శ్రీ చక్ర బంధ తేట గీతము 2

శ్రీ చక్ర బంధ తేట గీతము.

వనజ నాభుఁడ! శ్రీయుత! భావ్యమౌన? 

లఁక్ష్మిఁ గలిగియు శ్రీఁ గొల్ప రాదె? యే ది. 

యు మన నీకున్న శ్రీశుండ! యుందు నేడ?

వరల జేయుమ నన్నంది వాడ దేవ!

భావము:-

ఓ పద్మ నాభుఁడా! లక్ష్మీ సమేతుఁడా!నీకిది భావ్యమగునా?

నీవు లక్ష్మిని కలిగి యుండియు మాకు ధనమును కలుగునట్లు చేయరాదా?ఓ లక్శ్మీపతీ! నేను (ఏదియు; మనన్ + ఈకున్న ) మనుట కొఱకు ఏదియూ నీ వీయనిచో నేనెందుండువాఁడను? ఓ దేవా! వీధిలో గల నన్ను అందుకొని వరలునట్లు చేయుము. (నాకు"వలయునది+ఇడవ?"= "వలయునదిడవ(వా)?" = నాకు కావలసినది నీవు ఈయవా యేమి? తప్పక ఇమ్ము అని భావము).ఈ చివరిది వివిధ పద గోపనము అనెడి బంధ కవిత.

సాహితీ ప్రియులారా! వందనములు.

శ్రీ చక్రమును ఇంకా పెద్దదిదా చూడాలనుకొంటే ఆ చక్రంపై మౌస్ తో ఏరో మార్కు ఉంచి లెఫ్ట్ క్లిక్ ఇవ్వండి. ఆంధ్రామృతాన్ని ఆరగిస్తూ ఆదరిస్తున్న మీ అందరికీ నా ధన్యవాదములు.

దయ చేసి మీరు కూడా సముత్తేజితులై వినూతన ప్రక్రియలో రచన చేసి పంపగలందులకు మనవి. అవి ఆంధ్రామృతం ద్వారా పాఠకుల కందించే ప్రయత్నం చేయగలను.

జై శ్రీరామ్,

జైహింద్. 

Print this post