మనం కూడా సమస్యా పూరణ చేద్దామా? 2.

ప్రియ బ్లాగ్ మిత్రులారా!
మీలో చాలామంది సమస్యా పూరణలను చాలా చక్కగా సునాయాసంగా చేయ గలుగుతున్నందుకు మీ అందరికీ నా అభినందనలు.

కొందరైతే సమస్యా పూరణ కొంతవరకూ చేసి సరిపోదేమోననే భావనతో నిరాశతో ఉపేక్షిస్తున్నారు.
నామనవిని కాస్త వినండి. విషయాన్ని గ్రహించండి. అదేంటంటే తప్పో ఒప్పో మనం ప్రయత్నం చేసి వ్రాసేయాలి. తప్పైతే ఎక్కడ తప్పు, రైటెలాగ, అని ఆరా తీయడంద్వారా సరిగా నేర్చుకొనే అవకాశముంటుంది. అది మనం వ్రాసినతరువాతనే కదా ఆ అవకాశం కలిగేది. వ్రాయకుండా ఆ అవకాశం మనకు రాదు కదా. అందుకని ఉత్సాహాన్ని పెంచుకోండి. ఒక చిన్న ప్రయత్నం చేయండి చాలు. అద్భుతంగా మీరూ పద్యాలు వ్రాసేయగలుగుతారు.

ఈ రోజు మరో సమస్యాపూరణ కొఱకు అంశాన్ని ఎప్పుడిస్తానా అని ఎదురు చూస్తున్నారా? ఐతే చూడండి
మనం పూరించ వలసిన విషయం లౌకికమే.

----->మణులు మాటలాడె మనసు కరుగ.<----- చూచారు కదా సమస్యని? ఆలస్య మెందుకు పూరించెద్దాం ! మీరు కామెంట్ ద్వారా పంపిన పూరణలు ప్రత్యేకంగా ఒక పోష్టులో వుంచే ప్రయత్నం చేయగలను. మరి మీ కామెంట్ కొఱకు ఎదురు చూడనా?
జైహింద్. Print this post