మిత్రే నివేదితే దుఃఖే. ... మేలిమిబంగారం మన సంస్కృతి.

 జైశ్రీరామ్.

శ్లో.   మిత్రే నివేదితే దుఃఖే - దుఃఖినో జాయతే లఘు

భారం భారవహస్యేన - స్కంధయో: పరివర్తతే.

తే.గీ.  దుఃఖమును మిత్రునకుఁ జెప్ప దుఃఖమణఁగు,

దుఃఖితునిమది తేలికౌన్ దోయజాక్ష!

భుజములనుమార్చి బరువును మోయుచున్న

భారమనిపించదది తగ్గి, భక్తవరద!

భావము.  భుజము మీద బరువుమోసేవాడు ఆ బరువునును రెండుభుజాల 

మధ్యకు మార్చుకుంటే  భారము తగ్గినట్లుగా,  మంచిమిత్రునికి బాధ చెప్పుకుంటే 

బాధపడేవాని దుఃఖము తగ్గి మనసు తేలికపడుతుంది. అంటే మన దుఃఖము 

మన ఆత్మీయయులతో పంచుకుంటే కొంత ఉపశమనము కలుగునని భావము.

జైహింద్.

Print this post