గాయత్రీ వృత్తాంతం......శ్రీ క్రొవ్విడి వేంకట రాజారావు.

జైశ్రీరామ్.

జైహింద్.

శ్రీరామ తారావళి. ఆచార్య ఫణీంద్ర.Sri Ramayana Taravali | PROMO | Dr. Acharya Phaneendra | Sunny Vasu |...

జైశ్రీరామ్.

జైహింద్.

పద్మశ్రీ పురస్కార గ్రహీత డా. మాడుగుల నాగఫణి శర్మ గారితో Padma Shri Award Winner Madugula Nagaphani Sarma Exclusive Interview | hmtv

జైశ్రీరామ్.

జైహింద్.

గుణిని గుణజ్ఞో రమతే. ... మేలిమిబంగారం మన సంస్కృతి.

 జైశ్రీరామ్.

శ్లో.  గుణిని గుణజ్ఞో రమతే   -  నా గుణశీలస్య గుణిని పారితోషః

అళిరేతి  వనాత్కమలం   -  నతు భేక స్త్వేకవాసోఽపి. 

కం.  గుణవంతుఁడగు రసజ్ఞుఁడు

గుణవంతుని మెచ్చు, కనఁడు గుణరహితుఁడిలన్,

వనపద్మము వికసించినఁ

గని తుమ్మెద చేరు, కప్ప కాంచదు దరినే.

భావము.  గుణవంతుని రసజ్ఞుడే మెచ్చవలయును గానీ మొరటువాడు నేరడు.  

పద్మము వికసించగానే దానికోసం తుమ్మెద యెగిరివచ్చునే కానీ 

అక్కడ వున్న కప్ప చేరరాదు కదా.

జైహింద్.

 జైశ్రీరామ్.

బ్రహ్మశ్రీ బాబూదేవీదాస రావు గారుఆత్మకూరులో వారి గృహమున నిన్నను నాపై చూపిన ఆత్మీయత ఎన్నలేనిది.

శా.  శ్రీమన్మంగళ దివ్యదేజ భరితా! శ్రీజ్ఞాన సంపత్ప్రదా!

ప్రేమన్ మమ్మలరింపఁ జేసితిరి, దేవీదాసు సత్పండితా!

శ్రీమన్మంగళ వేదమాత తమకున్ జేకూర్చునారోగ్యమున్,

ధీమంతా! కొనుడయ్యవందనములన్,  దీవించుడీ మమ్ములన్.

జైహింద్.

సుందరం,ధన్యతా,జిత క్రోధ.విరోధాబాస,గర్భ"శ్రీధామ"వృత్తము, రచన..... శ్రీవల్లభ.

జైశ్రీరామ్.

సుందరం,ధన్యతా,జిత క్రోధ.విరోధాబాస,గర్భ"శ్రీధామ"వృత్తము,  రచన..... శ్రీవల్లభ.

ముదము నొందు సత్యమే!మోదము శివం సుందరమ్!మునికుల వధాన్యం ధన్యమ్!

కుదురు పరమ నిష్ఠయున్!క్రోధము విడుం వేగమున్!గొనకొను సదా నందంబున్!

చెదరు వెతలు శీఘ్రమున్!చేదగు నపార్ధంబులున్!చెనకును విరోధా బాసమ్!

సుధలు మెదలు లోకమున్!శోధిలు సు సేవారతిన్!చొను విభుత శ్రీ ధామంబున్!

సృజనాత్మక, గర్భ స్రవంతి యందలి"ఉత్కృతి"ఛందము లోనిది,

ప్రాస నియమము కలదు.పాదమునకు.26.అక్షరములుండును,

యతులు.9,18,అక్షరములకు చెల్లును,

1.గర్భగత"ముదము"వృత్తము,

ముదము నొందు సత్యమే!

కుదురు పరమ నిష్ఠయే!

చెదరు వెతలు శీఘ్రమున్!

సుధలు మెదలు లోకమున్!

అభిజ్ఞా ఛందము నందలి.బృహతి"ఛందము లోనిది,

ప్రాస నియమము కలదు,పాదమునకు 9.అక్షరములుండును,

2,గర్భగత"-కుదుర"నృత్తము,

మోదము శివం సుందరమ్!

క్రోధము విడుం వేగమున్!

చేదగు నపార్ధంబులున్!

శోధిల  సు సేవా రతిన్!

అభిజ్ఞాఛందము నందలి.అనుష్టుప్ఛందము"ఛందము లోనిది,

ప్రాస నియమము కలదు,పాదమునకు 8,అక్షరములుండును,,

3.గర్భగత"చేదగు"వృత్తము,

మునికుల వధాన్యం ధన్యమ్!

గొనకొను సదానందంబున్!

చెనకును విరోధాభాసమ్!

చొను విభుత శ్రీధామమున్!

అభిజ్ఞా ఛందము నందలి"బృహతి"ఛందము లోనిది,

ప్రాస నియమము కలదు,పాదమునకు"9"అక్షరము లుండును,

4,గర్భగత"శోధిలు"వృత్తము,

ముదము నొదవు సత్యమే!మోదము శివం సుందరమ్!

కుదురు పరమ నిష్టయున్!క్రోధము విడుం వేగమున్!

చెదరు వెతలు శీఘ్రమున్!చేదగు నపార్ధంబులున్!

సుధలు మెదలు లోకమున్!శోధిల సు సేవా రతిన్!

అణిమాఛందము నందలి"అత్యష్టి"ఛందము లోనిది.

ప్రాస నియమము కలదు.పాదమునకు"17"అక్షరము లుండును,

యతి"10,వ యక్షరమునకు చెల్లును,

5.గర్భగత"న హింసా"వృత్తము,

మోదము శివం సుందరమ్!ముదము నొదవు సత్యమే!

క్రోధము విడుం వేగమున్!కుదురు పరమ నిష్ఠయున్!

చేదగు నపార్ధంబులున్!చెదరు వెతలు శీఘ్రమున్!

శోధిల సు సీవా రతిన్!సుధలు మెదలు లోకమున్!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు.పాదమునకు"17"అక్షరము లుండును,

యతి"9"వ యక్షరమునకు చెల్లును

6,గర్భగత"శీఘ్రం,వృత్తము,

ముదము నొదవు సత్యమే!మునికుల వధాన్యం ధన్యమ్!

కుదురు పరమ నిష్ఠయున్!,గొనకొను సదానందంబున్!

చెదరు వెతలు శీఘ్రమున్!చెనకును విరోధాభాసమ్!

సుధలు మెదలు లోకమున్!చొను విభుత శ్రీ ధామమున్!

అణిమా ఛందము నందలి"ధృతి ఛందము లోనిది,

ప్రాసనియమము కలదు,పాదమునఖు"18"అక్షరము లుండును,

యతి"10"వ యక్షరమునకు చెల్లును,

7.గర్భగత"మోక్షం"వృత్తము,

మునికుల వధాన్యం ధన్యమ్!ముదము నొదవు సత్యమే!

గొనకొను సదానందంబున్!కుదురు పరమ నిష్ఠయున్!

చెనకును విరోథా భాసమ్!చెదరు వెతలు శీఘ్రమున్!

చొను విభుత శ్రీధామమున్!సుధలు మెదలు లోకమున్!

అణిమా ఛందమునందలు"ధృతి"ఛందము లోనిది

ప్రాస నియమము కలదు,పాదమునకు"18"అక్షరము లుండును,

యతి"10"వ యక్షరమునకు చెల్లును,

8.గర్భగత"వధాన్యతా"వృత్తము,

మోదము శివం సుందరమ్!మునికుల వధాన్యం ధన్యమ్!

క్రోధము విడుం వేగమున్!గొనకొను సదా నందంబున్!

చేదగు నపార్ధంబులున్!చెనకును విరోధా భాసమ్!

శోధిలు సు సేవా రతిన్!చొను విభుత శ్రీ ధామమున్!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు,పాదమునకు"17"అక్షరము  లుండును,

యతి"9"వ యక్షరమునకు చెల్లును,

9.గర్భగత"వెతలు"వృత్తము,

మునికుల వధాన్యం ధన్యమ్!మోదము శివం సుందరమ్!

గొనకొను సదా నందంబున్!క్రోధము విడుం వేగమున్!

చెనకొను విరోధాభాసమ్!చేదగు నపార్ధంబులున్!

చొను విభుత శ్రీ ధామమున్!శోధిలు సు సేవా రతిన్!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు,పాదమునకు"17,అక్షరము లుండును,

యతి"10,వ యక్షరమునకు చెల్లును,

10,గర్భగత"శోభ్యతా"వృత్తము,

మోదము శివం సుందరమ్!ముదము నొదవు సత్యమే!మునికుల వధాన్యం ధన్యమ్!

క్రోధము విడుం వేగమున్!కుదురు పరమ నిష్ఠయున్!గొనకొను సదానందంబున్!

చేదగు నపార్ధంబులున్!చెదరు వెతలు శీఘ్రమున్!చెనకును విరోధా బాసమ్!

శోధిల సు సేవా రతిన్!సుధలు మెదలు లోకమున్!చొను విభుత శ్రీ ధామమున్!

అనిరుద్ఛందము నందలి"ఉత్కృతి"ఛందము లోనిది,

ప్రాస నియమము కలదు,పాదమునకు"26"అక్షరము లుండును,

యతులు,9,18,అక్షరములకు చెల్లును,

11.గర్భగత"సుందరం"వృత్తము,

ముదము నొదవు సత్యమే!మునికుల వధాన్యం ధన్యమ్!మోదము శివం సుందరమ్

కుదురు పరమ నిష్టయున్!గొనకొను సదానందంబున్!క్రోధము విడుం వేగమున్!

చెదరు వెతలు శీఘ్రమున్!చెనకును విరోధాభా సమ్!చేదగు నపార్ధంబులున్!

సుధలు మెదలు లోకమున్!చొను విభుత శ్రీ ధామమున్!శోధిల సు సేవారతిన్!

అనిరుద్ఛందము నందలి"ఉత్కృతి"ఛందము లోనిది,

ప్రాస నియమము కలదు.పాదమునకు"26"అక్షరము లుండును,

యతులు,10,19,అక్షరములకు చెల్లును,

12.గర్భగత"ధన్యతా"వృత్తము,

మునికుల వధాన్యం ధన్యమ్!ముదము నొదవు సత్యమే!మోదము శివం సుందరమ్!

గొనకొను సదానందంబున్!కుదురు పరమ నిష్ఠయున్!క్రోధము విడుం వేగమున్!

చెనకును విరోధాభాసమ్!చెదరు వెతలు శీఘ్రమున్!చేదగు నపార్ధంబులున్!

చొను విభుత శ్రీ ధామమున్!సుధలు మెదలు లోకమున్!శోధిల సు సేవా రతిన్!

అనిరుద్ఛందము నందలి"ఉత్కృతి"ఛందము లోనిది,

ప్రాస నియమము కలదు,పాదమునకు"26"అక్షరములుండును,

యతులు"10,19,అక్షరములకు చెల్లును,

13.గర్భగత"జిత క్రోధ"వృత్తము,

మోదము శివం సుందరమ్!మునికుల వధాన్యం ధన్యమ్!ముదము నొదవు సత్యమే! 

క్రోధము విడుం వేగమున్!గొనకొను సదా నందంబున్!కుదురు పరమ నిష్ఠయున్!

చేదగు నపార్ధంబులున్!చెనకును విరోధా భాసమ్!చెదరు వెతలు శీఘ్రమున్!

శోధిల సు సేవా రతిన్ !చొను విభుత శ్రీ ధామమున్!సుధలు మెదలు లోకమున్!

అనిరుద్ఛందము నందలి ఉత్కృతి"ఛందము లోనిది,

ప్రాస నియమము కలదు,పాదమునకు"26"అక్షరము లుండును,

యతులు.9,18,అక్షరములకు చెల్లును,

14.గర్భగత"విరోధా భాస"వృత్తము,

మునికుల వధాన్యం ధన్యమ్!మోదము శివం సుందరమ్!ముదము నొదవు సత్యమే!

గొనకొను సదా నందంబున్!క్రోధము విడుం వేగమున్!కుదురు పరమ నిష్ఠయున్!

చెనకును విరోధా భాసమ్!చేదగు నపార్ధంబులున్!చెదరు వెతలు శీఘ్రమున్!

చొను విభుత శ్రీ ధామమున్!శోధిల సు సేవా రతిన్!సుధలు మెదలు లోకమున్!

అనిరుద్ఛందమువందలి"ఉత్కృతి"ఛందము లోనిది,

ప్రాస నియమము కలదు,పాదమునకు"26"అక్షరము లుండును,

యతులు.10,18,అక్షరములకు చెల్లును,

జైహింద్.

ఒక యువకుఁడు గోమూత్రికాబంధ శ్లోకమును చూచి కవి నైపుణ్యానికి ఆశ్చర్యపోతూ చేసిన చిత్రం

 జైశ్రీరామ్.

నేను వ్రాసిన గుప్త పంచమపాద గోమూత్రికా బంధ వృత్త పద్యము.

జైహింద్.

బ్రహ్మశ్రీ గుళ్లపల్లి సీతారామచంద్ర ఘనపాఠి గారిచే వేదార్ధ ఉపన్యాసము.. ...

జైశ్రీరామ్.

జైహింద్.

ఆచార్య శ్రీ సూరంశ్రీనివాసులు తో భావనాప్రియ ముఖాముఖి.

జైశ్రీరామ్.

జైహింద్.

కవిసింహ పోకూరి కాశీపత్యవధానుల సాహితీపురస్కారము నాకు లభించుట ఆ జగన్మాత అనుగ్రహఫలమే కాని అన్యము కాదు.(తే.27 - 01 - 2025.)

జైశ్రీరామ్.

సభలో నేను చదివిన పద్యములు.

అనేక కంద గీర గర్భ ఉత్పలమాల.

👇🏼

శ్రీ పతియే భువిన్ కనఁగ శ్రీగతి నొప్పెడి కావ్యకర్త  కా

శీ పతియై సదా సుధలు చిందు తపస్విగ శోభగూర్చు దు

ర్గా పతిగా కృతిన్ జయ సుగణ్యత నొప్పును చిత్ర రీతియై,

భూపతి యేలె నీ కవిని పూజ్యత నిల్పె, ప్రకాశమిచ్చి, హా!

ఉత్పల గర్భస్థ కందం1.

👇🏼

శ్రీ పతియే భువిన్ కనఁగ శ్రీ

గతి నొప్పెడి కావ్యకర్త  కాశీ పతియై 

పతిగా కృతిన్ జయ సుగ

ణ్యత నొప్పును చిత్ర రీతియై భూపతియే.

ఉత్పల గర్భస్థ కందం2.

👇🏼

పతియై సదా సుధలు చిం

దు తపస్విగ శోభగూర్చు దుర్గా పతిగా

పతి యేలె నీ కవిని పూ

జ్యత నిల్పె, ప్రకాశమిచ్చి, హా!శ్రీ పతియే.

ఉత్పల గర్భస్థ కందం3.

👇🏼

పతిగా కృతిన్ జయ సుగ

ణ్యత నొప్పును చిత్ర రీతియై భూపతియే.

శ్రీ పతియే భువిన్ కనఁగ శ్రీ

గతి నొప్పెడి కావ్యకర్త  కాశీ పతియై.

ఉత్పల గర్భస్థ కందం4.

👇🏼

పతి యేలె నీ కవిని పూ

జ్యత నిల్పె, ప్రకాశమిచ్చి, హా!శ్రీ పతియే.

పతియై సదా సుధలు చిం

దు తపస్విగ శోభగూర్చు దుర్గా పతిగా.

ఉత్పల గర్భస్థ తేటగీతి.

👇🏼

కనఁగ శ్రీగతి నొప్పెడి కావ్యకర్త

సుధలు చిందు తపస్విగ శోభగూర్చు

జయ సుగణ్యత నొప్పును చిత్ర రీతి

కవిని పూజ్యత నిల్పె, ప్రకాశమిచ్చి, 

అమ్మ దయతో🙏🏼

చింతా రామకృష్ణారావు.

* * *

[2:46 pm, 6/2/2025] పురుషోత్తములు భువనగిరి. బీరంగూడ: కందము

చిత్రకవితావిశిష్టులు

పాత్రులుస్తుతికిన్ మహత్వ భాషా వేత్తల్

మిత్రులు కవితల్లజులకు

ఛాత్రుల దీవించగలుగు సచ్చారిత్రుల్.

కందము 

గర్భకవిత్వమునన్ సం

దర్భోచితవాక్ప్రవృత్తి ధారా శుద్ధిన్

నిర్భరభావావిష్కృతి

నిర్భీకత మీకు సాటి నేగన నౌరా!

చంపకమాల 

ఎనుబది యేండ్లు చేరువగు నీతరుణంబున గూడ నెంతయో

చినపిలవానివోలెకవి సింగపు కూనవిభాతి మీరలున్

ఘనతర సత్క విత్వఝరి కమ్రము గాప్రవహింపజేయుటో

యనఘ!మహాద్భుతం బనెద, నయ్యరొ మీకివె నానమస్కృతుల్.

చింతా వారల బొగడగ

స్వాంతంబానందవార్ధి వైళమ మున్గున్

గంతుల్ వేయును దేహము

సంతోషము తోడ  హితుని సామీప్యమునన్.

గురుతుల్యులు

శ్రీ చింతా రామకృష్ణా రావు గారికి కాశీపత్యవధాని వారి స్మారక పురస్కారం అందుకున్న సందర్భంగా అభివందనములు 🙏

[2:49 pm, 6/2/2025] పురుషోత్తములు భువనగిరి. బీరంగూడ: సభలో చదువుటకు రాసుకుని వచ్చాను.సమయాభావంతో మిన్నకుండిపోయాను.

మరో సభలో నాగళంతో వినిపిస్తాను

🙏

[5:54 pm, 6/2/2025] Chinta Ramakrishnarao: అయ్యో! మీ మైత్రీభావపూర్ణ్ విశాలహృదయ సూర్యప్రకాశంలో  సామాన్యుఁడనయిన నేను ప్రకాశించుట, అంతా ఆ అమ్మదయయేనండిం నిజానికి మీ యంతటి సమర్ధుఁడను కాను నేను. మీరు బహుముఖప్రజ్ఞాశాలి. నేనా ఏదో ఆ జగన్మాత వ్రాయించేవే తప్ప స్వసామర్ధ్యంతో వ్రాసేవేవీ లేవండి. మీ అభిమానం నా ఊహకందలేదు. మీకు నా ధన్యవాద పూర్వక నమస్కృతులు. పద్యాలు మీరు అలవోకగా మనోజ్ఞంగా వ్రాయగలరని తెలుసును కాని ఇప్పుడు స్వయంగా చదివి తెలుసుకున్నాను.  మీలోని భావౌన్నత్యాన్ని నాపై ప్రసరించారు.  అవకాశం కుదిరినప్పుడు మీ గాత్రంలో సభాముఖంగా వినే భాగ్యం నాకు కలుగుతుందని భావిస్తున్నాను.🙏🏼🙏🏼🙏🏼.

[6:26 pm, 6/2/2025] Chinta Ramakrishnarao: ఓం శ్రీమాత్రే నమః.🙏🏼

కంద గీత గర్భ చంపకమాల.

👇🏼

ఘన పురుషార్థమై, వినుత కావ్యరమాప్రియ విశ్వ తేజమై

కన వరమై జగత్ స్తుత ప్రకాశ రసార్ణవ శోభ పూర్ణ క

ల్పన పురుషోత్తమా కృతి విభాతి రహించెను, కీర్తి గొల్పి తే

ల్చెను స్వరమైత్రితో ప్రకృత చిద్వర భావన భాగ్యమైతివా?

🙏🏼

చంపక గర్భగత కందము.

👇🏼

పురుషార్థమై, వినుత కా

వ్యరమాప్రియ విశ్వ తేజమై, కన వరమై 

పురుషోత్తమాకృతి విభా

తి రహించెను, కీర్తి గొల్పి తేల్చెను స్వరమై.

చంపక గర్భగత తేటగీతి.

👇🏼

వినుత కావ్యరమాప్రియ విశ్వ తేజ

స్తుత ప్రకాశ రసార్ణవ శోభ పూర్ణ

కృతి విభాతి రహించెను, కీర్తి గొల్పి

ప్రకృత చిద్వర భావన భాగ్యమైతి.

🙏🏼

ఇంకా చాలా కందాలున్నాయి చంపకంలో.

అమ్మ దయతో🙏🏼

చింతా రామకృష్ణారావు.🙏🏼

జైహింద్.

సుథాంబోధి.జీవాత్మ.వరాత్మ.నిష్ట,స్థావర,దోషార్తి.గర్భ"వర్ధనీయతా"వృత్తము, రచన:-వల్లభవఝల అప్పల నరసింహమూర్తి.

 జైశ్రీరామ్.

సుథాంబోధి.జీవాత్మ.వరాత్మ.నిష్ట,స్థావర,దోషార్తి.గర్భ"వర్ధనీయతా"వృత్తము,

శివ నీ లీల లెరింగితే!జిత మన్మథా కారుడా!జీవాత్మ!సంరక్షకా!హరా!

భవముల్బాపు వరాత్మకా!వ్రత నిష్ఠ నిన్నెంచితే!భావంబునం!సర్వ మీవయా!

కవనాలంకృత దీప్తివై!గత కృత్య దోషార్తినిన్!కావం సుథాంబోధివై !శివా!

జవ మర్ధింతు శుభాశ్రినై!శతదా విభూతిం గనన్!సా వర్ధనీయంబులం!బుధా!

సృజనాత్మక గర్భ కవితా స్రవంతి యందలి.అనిరుద్ఛందాంతర్గత,ఉత్కృతి"

ఛందములోనిది,ప్రాసనియమము కలదు.పాదమునకు,26,అక్షరము లుండును,

యతులు,10,18,అక్షరములకు చెల్లును,

1.గర్భగత"శివ లీల వృత్తము,

శివ నీ లీల లెరింగితే!

భవముల్బాపు వరాత్మకా!

కవనాలంకృత దీప్తివై!

జవ మర్ధింతుశుభాశ్రినై!

అభిజ్ఞా ఛందము నందలి"బృహతి"ఛందము లోనిది,

ప్రాసనియమము కలదు.పాదమునకు"9,అక్షరములుండును,

2.గర్భగత"భవదూర"వృత్తము,

జిత మన్మథాకారుడా!

వ్రతనిష్ఠ నిన్నెంచితే!

గత కృత్య దోషార్తినిన్!

శతదా!విభూతిం గనన్!!

అభిజ్ఞా ఛందమునందలి"అనుష్టుప్ఛందము లోనిది,

ప్రాసనియమము కలదు,పాదమునకు8"అక్షరము లుండును,

3.గర్భగత"కవన కాంతి"-వృత్తము,

జీవాత్మ సంరక్షకా!హరా!

భావంబునం సర్వమీవయా!

కావం సుథాంబోధివై!శివా!

సా వర్ధనీయంబులం బుధా!

అభిజ్ఞా ఛుదము నందలి"బృహతి"ఛందము లోనిది.

ప్రాస నియమము కలదు.పాదమునకు"9"అక్షరములుండును,

4.గర్భగత"జయ మీయు"-వృత్తము,

శివ నీ లీల లెరింగితే!జిత మన్మథాకారుడా!

భవముల్బాపు వరాత్మకా!వ్రత నిష్ఠ నిన్నెంచితే!

కవనాలంకృత దీప్తివై!గత కృత్య దోషార్తినిన్!

జవ మర్ధింతు శుభాశ్రినై!శతదా విభూతిం గనన్!

అణిమా ఛందము నందలి"అత్యష్టి"ఛందము లోనిది,

ప్రాసనియమము కలదు,పాదమునకు"17"అక్షరము లుండును,

యతి"10,వ యక్షరమునకు చెల్లును,

5.గర్భగత"జిత మన్మథా"వృత్తము,

జిత మన్మథాకారుడా!శివ నీ లీల లెరింగితే!

వ్రత నిష్ఠ నిన్నెంచితే!భవముల్బాపు వరాత్మకా!

గత కృత్య దోషార్తినిన్!కవనాలంకృత దీప్తివై!

శతదా విభూతిం గనన్!జవ మర్ధింతు శుభాశ్రినై!

అణిమా ఛందమునందలి"అత్యష్టి"ఛందము లోనిది,

ప్రాస నియమము కలదు.పాదమునకు"17"అక్షరము లుండును,

యతి"9"వ యక్షరమునకు చెల్లును,

6.గర్భగత"వ్రత నిష్ఠ"వృత్తము,

శివ నీ లీల లెరింగితే!జీవాత్మ!సంరక్షకా!హరా!

భవముల్బాపు వరాత్మకా!భావంబునం సర్వ మీవయా!

కవనాలంకృత దీప్తివై!కావం సుథాంబోధివై శివా!

జవ మర్ధింతు శుభాశ్రినై!సా వర్ధ నీయంబులం బుధా!

అణిమా ఛందమునందలి"ధృతి"ఛందము లోనిది,

ప్రాస నియమము కలదు,పాదమునకు"18"అక్షరములుండును,

యతి"10"వ యక్షరమునకు చెల్లును,

7.గర్భగత"గత కృతం"వృత్తము,

జీవాత్మ!సంరక్షకా!హరా!శివ నీ లీల లెరింగితే!

భావంబునం!సర్వ మీ వయా!భవముల్బాపు వరాత్మకా!

కావం సుథాంబోధివై!శివా!కవనాలంకృత దీప్తివై!

సా వర్ధ నీయంబులం!బుధా!జవ మర్ధింతు శుభాశ్రినై!

అణిమా ఛందము నందలి"ధృతి"ఛందములోనిది,

ప్రాస నియమము కలదు,పాదమునకు,18"అక్షరము లుండును,

యతి"10"వ యక్షరమునకు చెల్లును,

8.గర్భగత"తొలగించు"వృత్తము,

జిత మన్మథాకారుడా!జీవాత్మ!సంరక్షకా!హరా!

వ్రత నిష్ఠ నిన్నెంచితే!భావంబునం సర్వ మీవయా!

గత కృత్య దోషార్తినిన్!కావం సుథాంబోధివై!శివా!

శతదా!విభూతిం గనన్!సా వర్ధనీయంబులం!బుధా!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు,పాదమునకు"17"అక్షరము లుండును,

యతి'9'వ యక్షరమునకు చెల్లును,

9.గర్భగత"సుథాంబోధి"వృత్తము,

జీవాత్మ సంరక్షకా!హరా!జిత మన్మథా కారుడా!

భావంబునం సర్వ మీ వయా!వ్రత నిష్ఠ నిన్నెంచితే!

కావం సుథాంబోధివై!శివా!గత కృత్యదోషార్తినిన్!

సావర్ధ నీయంబులం బుధా!శతదా విభూతిం గనన్!

అణిమా ఛందము నందలి"అత్యష్టి"ఛందము లోనిది,

ప్రాస నియమము కలదు.పాదమునకు"17"అక్షరము లుండును,

యతి10"వ యక్షరమునకు చెల్లును,

10,గర్భగత"జీవాత్మ"వృత్తము,

జిత మన్మథాకారుడా!శివ నీ లీల లెరింగితే!జీవాత్మ!సంరక్షకా!హరా!

వ్రత నిష్ఠ నిన్నెంచితే!భవముల్బాపు వరాత్మకా!భావంబునం సర్వ మీ వయా!

గత కృత్య దోషార్తినిన్!కవనాలంకృత దీప్తివై!కావం సుథాంబోధివై!

శతదా!విభూతిం గనన్!జవ మర్ధింతు శూభాశ్రినై!సా వర్ధ నీయంబులం!బుధా!

అనిరుద్ఛందము నందలి"ఉత్కృతి"ఛందము లోనిది,

ప్రాస నియమము కలదు,పాదమునకు"26"అక్షరము లుండును,

యతులు,9.18.అక్షరములకు చెల్లును,

11గర్భగత"వరాత్మ"వృత్తము,

శివ నీ లీల లెరింగితే!జీవాత్మ!సం రక్షకా!హరా!జిత మన్మథాకారుడా!

భవముల్బాపు వరాత్మకా!భావంబునం సర్వ మీవయా!వ్రత నినిష్ఠ నిన్నెంచితే!

కవ నాలంకృత దీప్తివై!కావం సుథాంబోధివై!గత కృత్య దోషార్తినిన్!

జవ మర్ధింతు!శుభాశ్రినై!సా వర్ధ నీయంబులం!బుధా!శతదా విభూతిం గనన్!

అనిరుద్ఛందము నందలి"ఉత్కృతి"ఛందము లోనిది,

ప్రాస నియమము కలదు. పాదమునకు"26"అక్షరములుండును,

యతులు 10,19,అక్షరములకు చెల్లును,

12.గర్భగత"నిష్ఠ"వృత్తము,

జీవాత్మ సంరక్షకా!హరా!శివ నీ లీల లెరింగితే!జిత మన్మథాకారుడా!

భావంబునం సర్వ మీవయా!భవముల్బాపు వరాత్మకా!వ్రత నిష్ఠ నిన్నెంచితే!

కావం సుథాంబోధివై!కవనాలంకృత దీప్తివై!గత కృత్య దోషార్తినిన్!

సా వర్ధ నీయంబులం బుధా!జవ మర్ధింతు శుభాశ్రినై!శతదా విభూతిం గనన్!

అనిరుద్ఛందము నందలి"ఉత్కృతి"ఛందము లోనిది,

ప్రాస నియమము కలదు,పాదమునకు"26"అక్షరము లుండును,

యతులు.10,19,అక్షరములకు చెల్లును,

13.గర్భగత"స్థావర"వృత్తము,

జిత మన్మథాకారుడా!జీవాత్మ సంరక్షకా!హరా!శివ నీ లీల లెరింగితే!

వ్రత నిష్ఠ నిన్నెంచితే!భావంబునం!సర్వ మీవయా!భవముల్బాపు వరాత్మకా!

గత కృత్య దోషార్తినిన్!కావం సుథాంబోధివై!కవనాలంకృత దీప్తివై!

శతదా!విభూతిం గనం!సా వర్ధ నీయంబులం!బుధా!జవ మర్ధింతు శుభాశ్రినై!

అనిరుద్ఛందము నందలి"ఉత్కృతి"ఛందము లోనిది,

ప్రాస నియమము కలదు,పాదమునకు,26,అక్షరము లుండును,

యతులు,9,18,అక్షరములకు చెల్లును,

14.గర్భగత"దోషార్తి"వృత్తము,

జీవాత్మ!సంరక్షకా!హరా!జిత మన్మథాకారుడా!శివ నీ లీల లెరింగితే!

భావంబునం!సర్వ మీవయా!వ్రత నిష్ఠ నిన్నెంచితే!భవముల్బాపు!వరాత్మకా!

కావం!సుథాంబోధివై!గత కృత్య దోషార్తినిన్!కవనాలంకృత దీప్తివై!

సా వర్ధ నీయంబులన్!శతదా!విభూతిం గనన్!జవ మర్ధింతు శుభాశ్రినై!

అనిరుద్ఛందము నందలి"ఉత్కృతి"ఛందము లోనిది,

ప్రాసనియమము కలదు,పాదమునకు 26"అక్షరము లుండును,,

యతులు,10,18.అక్షరములకు చెల్లును,

జైహింద్.

76వ గణతంత్రదినోత్సవ శుభాకాంక్షలు.

 జైశ్రీరామ్.

శ్రీమద్భారతమాత ముద్దుబిడ్డలగు యావద్భారతీయులకు 76వ సర్వసత్తాక గణతంత్ర సామ్రాజ్య దినోత్సవము సందర్భముగా శుభాకాంక్షలు.

శా.  శ్రీమన్మంగళభారతాంబ సకలశ్రీపూర్ణ, యీ తల్లికిన్

క్షేమంబున్ వరగౌరవంబు జగతిన్ చెన్నార నిల్పంగ స

త్ప్రేమన్ భాతమాత బిడ్డలెల్లపుడు భక్తిన్ శక్తి వెచ్చించుతన్,

ధీమంతుల్ మన భారతీయులనగా తేజంబునే గాంచుతన్.

జైహింద్.

మీస విలాసము. ... రచన. శ్రీ కోడూరి శేషఫణి శర్మ

జైశ్రీరామ్.

రచయిత.  శ్రీ కోడూరి శేషఫణి శర్మ

సీ||

పదునారు వయసులో పెదవిపై మృదువుగా

            మొలకెత్తు మీసమ్ము మురిపెమౌను!

చురకత్తివలె దోచి కరవాలముగ సాగి

            మగవాని మగటిమి జగతి జాటు!

కోరమీసము దువ్వ,కొంటెగా కనుగీట

       ముదిత మురిసి మ్రోల మోకరిలును!

చివరలు మెలి ద్రిప్ప చెలియల మనములన్

         చిలిపి యూహలనెన్నొ కలుగజేయు!

చెవిలోన గుసగుసల్ చెలికి జెప్పెడు వేళ

          గిలిగింతతో నిడు పులకరింత!

అతివ యధరమంది యమృతమ్ము గ్రోలుచో

           మధుర మిబ్బడి యౌను మగువలకును!

తరుణి తనువు పైన తారాడు మీసాలు

        రసతంత్రులను మీటి రగులజేయు!

శృంగారసమయాన చిరుచెమటలు గ్రమ్మ

        మీసమున్ బొగడుగా మెలత కరగి!

తే.గీ||

మగని మీసము మగువకు బిగువు నిడగ,

చెలుని శ్మశ్రువు చెలియకు చెలువమొసగ,

తరుణి తనియించు,మీసమున్ తడిమి తనియు,

మీసమున్నట్టి మగవాడె మేటి యనుచు!

కోడూరి శేషఫణి శర్మ

తే. 24 - 01 - 2025.

జైహింద్.

జపహోమార్చనం కుర్యాత్. ... మేలిమిబంగారం మన సంస్కృతి.

 జైశ్రీరామ్.

శ్లో. జపహోమార్చనం కుర్యా - త్సు ధౌతచరణః శుచిః|

పాదశౌచవిహీనం హి  -  ప్రవివేశ నలం కలిః ||

తే.గీ.  జపము హోమార్చనల్ చేయు సమయమునకు

ముందు కాళ్ళు కడుగుకొని పొలయుటొప్పు,

పాదశౌచవిహీనుని వదలఁబోక

కలి ప్రవేశించి కష్టముల్ కలుఁగఁ జేయు.   

భావము.  జపాలు, హోమాలు, అర్చనలు, పూజాది క్రతువులు ఆచరించే ముందు 

శుభ్రముగా కాళ్ళు కడుక్కుని ప్రారంభించాలి. ఎవరైతే పాదాలు కడగకుండా 

దైవ కార్యాలు చేసినా, మల మూత్ర విసర్జన తరువాత, భోజనం తరువాత, 

బయట నుండి వచ్చిన తరువాత కాళ్ళు కడగరో ఆ కడగని పాదాల ద్వారా 

కలి పురుషుడు ఇంట్లోకి ప్రవేశించి దరిద్రాలను, రోగాలను, 

కలహాలను ప్రసాదిస్తాడు.

జైహింద్.

వందే భారతం. రచన. శ్రీసీయన్. నాగేశ్వరరావు. గానం. శ్రీమతి వల్లూరి సరస్వతి. Vande Bharatam Lyrics:CN Nageswararao. singer: Saraswathi Valluri

జైశ్రీరామ్.

జైహింద్.

పురుషసూక్తము ఆంధ్ర పద్యానువాదము. ... చింతా రామకృష్ణారావు.

 

గుచ్ఛ బంధము.....చంపకపుష్పమాలికా బంధము.

జైశ్రీరామ్.

జైహింద్.

 

ఇంద్రియాణాం ప్రసంగేన. ... మేలిమిబంగారం మన సంస్కృతి.

జైశ్రీరామ్. 

శ్లో.  ఇంద్రియాణాం ప్రసంగేన - దోషమృచ్ఛత్యసంశయమ్ |

సంనియమ్య తు తాన్యేవ - తతః సిద్ధిం నియచ్ఛతి ||

(మనుస్మృతి)

తే.గీ. ఇంద్రి యాకర్షితుఁడు దోషమెలనిఁ జేయు,

నిల జితేంద్రియుఁడన శుభకలితుఁడె యగు,

నింద్రియములఁ జయించుమో సాంద్ర సుగుణ!

దోషమందక గొప్ప సంతోషము కను.        

భావము.  ఇంద్రియాల ఆకర్షణకు లోనయినవాడు పాపం చేస్తాడు. వాటిని 

అదుపులో పెట్టినవాడు మంచి ఫలితాన్ని పొందుతాడు.

జైహింద్.

కవిసింహ పోకూరి కాశీపత్యవధాని 133వ జయంతి సందర్భముగా పురస్కారములు, కవిసమ్మేళనము.

 జైశ్రీరామ్.

జైహింద్.

అభి నవతరం అవధానం. సాక్షిలో బాలావధానుల అంతరంగాలు.

 జైశ్రీరామ్.

జైహింద్.

కిమప్యస్తి స్వభావేన. ... మేలిమిబంగారం మన సంస్కృతి.

జైశ్రీరామ్.

శ్లో.  కిమప్యస్తి స్వభావేన - సున్దరం వాప్యసున్దరమ్|

యదేవ రోచతే యస్మై - భవేత్ తత్తస్య సున్దరమ్||

తే.గీ.  మనము కోరెడిదేదైన మహిని కనఁగ

సుందరంబెయైనఁ గన నసుందరంబె

యైననున్ సుందరంబెయౌ ననుపమమది,

భావననెనుండునంతయున్ భవ్యభావ!

భావము.  ఈ లోకంలో ఏదైనా స్వభావరీత్యా అందంగా ఉన్ననూ లేకున్ననూ ,

ఎవడికైతే ఏదైతే నచ్చుతుందో అది అందంగా లేకున్ననూ అదే వాడికి 

అందంగా తోస్తుంది.

జైహింద్.  

అగ్నిహోత్రఫలా వేదాః. ... మేలిమిబంగారం మన సంస్కృతి.

జైశ్రీరామ్.

శ్లో.  అగ్నిహోత్రఫలా వేదాః - శీలవృత్తఫలం శ్రుతమ్l         

రతిపుత్రఫలా నారీ - దత్తభుక్తఫలం ధనమ్ll

తే.గీ.  వేద ఫల మగ్ని యందున వేల్చుటెయగు, 

సత్ప్రవర్త ఫలమగు శాస్త్రములకు, 

పతిని గూడిపుత్రినిగాంచు టతివఫలము, 

ధనము నకు  దాన భోగముల్ తగిన ఫలము. 

భావము.  వేదము అగ్నిహోత్రార్చమే ఫలముగా కలది . శాస్త్రము సత్ప్రవర్తనయే 

ఫలముగా కలది. స్త్రీ భర్తృసంగమమూ, తద్వారా పుత్రప్రాప్తీ ప్రయోజనంగా కలది. 

ధనము దానం చేయఁబడుట, అనుభవింపఁబడుట ఫలముగా కలది.

జైహింద్.

తే. 19 - 01 - 2025.న కూకట్పల్లిలో జరిగిన అవధానములో....

 జైశ్రీరామ్.

జైహింద్.

మైత్రి అన్న అంశం మీద ఉపన్యాసము - వాగ్విదాంవర బ్రహ్మశ్రీ నారుమంచి వేంకట అనంతకృష్ణ. - మియాపూర్ మిత్రమండలి 18 - 01 - 2025.

జైశ్రీరామ్.

జైహింద్.

యస్మాదభావీ భావీ వా. ... మేలిమిబంగారం మన సంస్కృతి.

 జైశ్రీరామ్.

శ్లో.  యస్మాదభావీ భావీ వా  -  భవేదర్థో నరం ప్రతి |

అప్రాప్తౌ తస్య వా ప్రాప్తౌ  -  న కశ్చిద్వ్యథతే బుధః ||  (మహాభారతం)

తే.గీ.  కోరుకొనునది చేరునో, చేరబోదొ

దైవవశమది, దానికై తగదు వగవ,

జ్ఞాని వగవఁడు దేనినైనను సహించు,

నుత్తమునిలక్షణంబిది యుర్విపైన.

భావము.  అదృష్టం అనేది దైవవశమైనందువల్ల మనిషికి ఇష్టమైన వస్తువులు 

లభించవచ్చు లేదా లభించకపోవచ్చు. అందుచేత, జ్ఞానవంతుడైనవాడు 

తనకు ఇష్టమైన వస్తువు లభించకపోయినా లేదా అనిష్టం కలిగినా దుఃఖపడడు.

జైహింద్.

మియాపూర్ సాహితీమిత్రమండలి చతుర్ధ వార్షికోత్సవము...మా.శ్రీ. గారి గ్రంథావిష్కరణ.

 జైశ్రీరామ్.

జైహింద్.

కవుతా రామకృష్ణ యాదృచ్ఛిక సాధనావధానము.

 

జైశ్రీరామ్.

కవుతా (ఊకదంపుడు) రామకృష్ణ మా గృహమునకు న్యస్తాక్షరి నేర్చుకుందామని వచ్చి మూడు ఛందోభాషణలు, సమస్యాపూరణ, దత్తపది, వర్ణన, నిషిద్ధాక్షరీ, ఆశువు,న్యస్తాక్షరి అప్రస్తుతము, సమర్ధవంతంగా చేసిన సందర్భంగా నేను వానికి చేసిన సత్కారం.

కవుతా రామకృష్ణ యాదృచ్ఛిక సాధనావధానములోని ధారణాంశములు

నిషిద్ధాక్షరి  రాధాకృష్ణులు ఆధారముగా జీవత్మ పరమాత్మ ఐక్యత

(పథమాక్షరం శ్రీవినావర్ణ నిషిద్ధం. చివరి రెండు పాదములు స్వేచ్ఛ)    

శ్రీవిద్యాచిహ్నవిధిన్

జీవిపథగతిన్ యశదరుచిన్ నేర్పన్ రా

జీవాక్షుండును రాధయు

భావింప నభేదము గని, ప్రాపించిరటన్

సమస్య:

భామకు మీసము మొలిచెను బాపురే కనితే

ఏమందులు దాఁ గొనెనో

కోమలత నెగడఁగఁగోరి కోమలి యకటా!  

మోమున సత్కళ దప్పెను

భామకు మీసము మొలిచెను బాపురె కనితే

దత్తపది:

హరి,పర,కర, హర పదములతో మరికాసేపటిలో జరుగనున్న పుస్తకావిష్కరణ

 

హరిజుని భార్యయె మురియగ,

ధర బుధపరమై వెలుంగఁ, దత్త్వము గఱపన్

గరమీ పుస్తకము దనరు

హరదేవుడు దయఁ గవీంద్రు ననయము గావన్    

వర్ణన : 

శ్రీలక్ష్మీదేవి, తేటగీతి లో

పద్మమున నిల్చి సాగరభవయె శోభ

లీనుచును దయాభరితమౌ దృక్కులొలుక

శ్రీహరికృపాసహితముగఁ జెంగలించె

మీగృహంబున నిరతము మిమ్ముఁ గావ!  

న్యస్తాక్షరి

1వ పాదము 4వ అక్షరము "రా"

2వ పాదము 11వ అక్షరము "మ"

3వ పాదము 7వ అక్షరము "కృ"

4వ పాదము 19వ అక్షరము  "ష్ణ"

ఉత్పలమాలలో నూతన సంవత్సరాగమనము

చిత్తము రాజిలన్ వరలె శ్రీకరమౌ నవవర్ష మిత్తరిన్

సత్తువ మీకొసంగగను, క్షామము బాపగ నుర్వియంతటన్

దత్తుడు చూడగా కృపను  ధ్వాంతము మాసియె శోభలీనగన్

రిత్తపు మాటలై చనక ప్రేమగఁ దీర్చుత మీదుతృష్ణలన్  

-------------------

ఒక ఛందోభాషణము

ప్రా: నీపేరేమిటి చెప్పుమా

రా: బుధులు క్షోణిన్  రాముడంచందురే

ప్రా: ప్రాపౌపుత్త్రకుడుండెనా?

రా: కలడు రూపంబౌచు నాతోడుతన్

ప్రా: మీపద్మాక్షియు క్షేమమా?

రా: తనరు తాన్ మీనాక్షి సేవోన్నతిన్;

    మీపేరేమియొ?

ప్రా:రామకృష్ణుడను

రా:స్వామీ మీకు చేతున్ నతుల్  

నీపేరేమిటి చెప్పుమా? బుధులు క్షోణిన్  రాముడంచందురే

ప్రాపౌ పుత్త్రకు డుండెనా? కలడు దీపంబౌచు నాతోడుతన్

మీపద్మాక్షియు క్షేమమా? తనరు తాన్ మీనాక్షి సేవోన్నతిన్,

మీపేరేమియొ? రామకృష్ణుడను;  స్వామీ మీకు చేతున్ నతుల్.

జైహింద్.

మనిషి గుణం గురించి స్వామీ వివేకానంద చెప్పినంత విపులంగా ఎవరూచెప్పలేదు.

జైశ్రీరామ్.

ఈ వివరించిన విషయాలను కవులు పద్యాలుగా అత్యద్భుతంగా వ్రాసి కామెంట్ చేసి పంపగలరు.

జైహింద్.

ఆగమాపః ప్రజా దేశః. ... మేలిమిబంగారం మన సంస్కృతి.

 జైశ్రీరామ్.

శ్లో.   "ఆగమాపః ప్రజా దేశః  -  కాలః కర్మ చ జన్మ చ.!

ధ్యానం మంత్రోఽథ సంస్కారో,  -  దశైతే గుణహేతవః".!!  (మనుస్మృతి)

తే.గీ.  దైవము, పరిసరము, పని, త్రాగు నీరు,

దేశమును, జన్మ, కొనునుపదేశ, మంత్ర,

ధ్యాన విషయమున్, మనుకాల మను పదియును,

వ్యక్తి గుణముల మూలముల్, భక్తిపూర్ణ! 

భావము.  ఆరాధించు దైవము, త్రాగునీరు, చుట్టూ ఉండే పరివారము, 

జన్మించిన దేశము, నివసించిన కాలము, చేయుపని, పుట్టిన పుట్టుక, 

ధ్యానించు విషయము, ఉపదేశము పొందిన మంత్రము, లభించిన సంస్కారము. 

ఈ పదిన్ని వ్యక్తులలోని గుణము లకు కారణము లగుచున్నవి.

జైహింద్.

అనేక శాస్త్రం బహు వేదితవ్యమ్. ... మేలిమిబంగారం మన సంస్కృతి.

 జైశ్రీరామ్.

శ్లో.  అనేక శాస్త్రం బహు వేదితవ్యమ్ - అల్పశ్చ కాలో బహుశ్చ విఘ్నాః ।

యత్ సారభూతం తదుపాసితవ్యం - హంసో యథా క్షీరమివామ్బుమధ్యాత్ ॥

తే.గీ.  ఎఱుఁగ వలసిన గ్రంథము లెన్నొ కలవు,

కాలమల్పము, విఘ్నముల్ కలుఁగుచుండు,

క్షీరనీరంబులను హంస క్షీరముగొను,

మంచినట్టులే గొనవలె మనము, నరుఁడ!

భావము.  చాలా గ్రంథాలు ఉన్నాయి, తెలుసుకోవలసినవి చాలా ఉన్నాయి, 

కానీ సమయం పరిమితంగా ఉంది. మరియు అనేక అడ్డంకులు ఉన్నాయి. 

కాబట్టి మనం హంస యే విధముగా క్షీరనీరముల మిశ్రమము నుండి క్షీరమును 

మాత్రమే గ్రహించునో అట్టులే మనము కూడా సారవంతమైనవాటినే 

గ్రహించవలెను.

జైహింద్.

అనవాప్యం చ శోకేన. ... మేలిమిబంగారం మన సంస్కృతి.

జైశ్రీరామ్. 

శ్లో.  అనవాప్యం చ శోకేన - శరీరం చోపతప్యతే

అమిత్రాశ్చ ప్రహృష్యన్తి - మా స్మ శోకే మతిం కృథా:                         

(విదురనీతి)

తే.గీ.  దుఃఖపడినంత దొరకదు దూరమైన

దేదియైనను, తాప మహితము మిగులు,

శత్రువులు సంతసింతురు, జయనిధాన!

మెలగుమీవు దుఃఖము వీడి, మేలు గనుము. 

భావము. శోకించినంత మాత్రాన కోరిన వస్తువు లభించదు. శరీరమా తాపము 

చెందును.  శత్రువులు సంతసించెదరు. అందువలన నీ మనస్సును శోకము వైపు 

మళ్ళించకుము. దేనికీ దుఃఖింపకుము..

జైహింద్. 

ఆహార నిద్రా భయ మైధునాని . ... మేలిమిబంగారం మన సంస్కృతి.

 జైశ్రీరామ్.

శ్లో. ఆహార నిద్రా భయ మైధునాని 

సామాన్యమేతత్పశుభిర్నరాణాం 

జ్ఞానంహి తేషా మధికో విశేషః 

జ్ఞానేన హీనః పశుభిస్సమానః.

(ఉత్తర గీత 2-44)

తే.గీ.  నిద్ర, భయ, మైధు నాహార క్షుద్రగుణము

లరయ పశువులన్ మనుజుల నాశ్రయించి

యుండు, జ్ఞానంబు నరునిలో నుండు, జ్ఞాన

హీన నరుఁడు పశు సముఁడు, భానుతేజ!

భావము. ఆహారము నిద్ర భయము మైధునము నాలుగును ప్రాణి ధర్మములు.

 ఇవి జంతుకోటికి ఎంతటి అవసరమో మానవులకును ఆంతియే. అయిననిందు 

విశేష మేమిటనిన మానవులకు జ్ఞానమనునది అధికముగా నున్నది. 

పశువుల కది లేదు. అందువలన జ్ఞానహీనుడు పశు సమానుడు. 

జైహింద్.

గుమ్మన్నగారి లక్ష్మీనరసింహ శర్మ అష్టావధానము.Gummannagari Laxminarasimha Sharma

జైశ్రీరామ్.

జైహింద్.

దుష్కరం కిం మహాత్మనామ్? మహోదార గుణ సంపన్నులయిన బ్రహ్మశ్రీ చల్లా శ్రీనివాస శాస్త్రి మహోదయులకు అభినందన చందన చర్చ.

 జైశ్రీరామ్.

బ్రహ్మశ్రీ చల్లా శ్రీనివాస శాస్త్రి .. అయోధ్య. 95507 54389 .

వీరి వితరణ అసామాన్యం. రామభక్తి అసాదృశం. ప్రజా సేవ అమోఘం.

వీరికి వీరి అర్థాంగి గారికి పాదాభివందనములు.

మహోదార గుణ సంపన్నులయిన బ్రహ్మశ్రీ చల్లా శ్రీనివాస శాస్త్రి మహోదయులకు 

అభినందన చందన చర్చ.

శా.  శ్రీమన్మంగళ సూర్యవంశ తిలకా! శ్రీరామ చంద్రప్రభూ!

ధీమంతుల్, మహనీయ భక్తియుతులున్, దివ్యాత్ములైనట్టి చ

ల్లా మాన్యాన్వయ శ్రీనివాసు,  జగతిన్ లక్ష్యంబుతో సేవలన్

నీమంబొప్పఁగ చేయు నీకు, మహితున్ నీవే కృపన్ బ్రోవుమా.

శా.  లక్ష్యంబొప్పఁగ  సేవఁజేయు ఘన చల్లావంశ భాస్వన్మణీ!

సాక్ష్యంబారఘు రామచంద్రుఁడగు మీ సన్మార్గ సత్ సేవకున్,

భక్ష్యంబుల్ వరభోజనంబు, వసతిన్ భక్తాళికిన్ గొల్పు మీ

లక్ష్యంబున్ నెరవేర్చు నిత్యముగనా లక్ష్మీధవుండాప్తితోన్.

చం.  ధనమది కల్గవచ్చు, వరదానగుణంబు, నుదార తత్త్వమున్,

వినయము, సత్యశీలమును, విశ్వజనీనత కల్గుటన్న దా

జనకజ రామచంద్రుల యసాదృశ సత్కృప చేత సాధ్యమౌ

ననితరమైన మీ కృషికి నా మహితాత్ములె శక్తినిచ్చుతన్.

ఉ.  భాగ్యులు మిమ్ముఁ గన్న గుణవంతులు మీ తలిదండ్రులే కదా,

భోగ్యములన్ సుఖాదులను బొందఁగఁ గోరక, రామ సేవయే

భాగ్యముగాఁ దలంచి, వర భక్తిని నిత్యము సేవచేయు మీ

యోగ్యతఁ గాంచి, మిమ్ముల నయోధ్యనె నిల్పె రఘూద్వహుండహో!

ఉ.  మంగళమార్య! మీకు, శుభమంగళముల్ వర శ్రీనివాస మీ

సంగతిఁ వెల్గు మీ సతికి, మంగళముల్ తమ బంధుకోటికిన్,

మంగళలౌత రామునకు, మంగళముల్ నిత సీతకున్, సదా

మంగళమౌ నయోధ్యకును, మంగళముల్ మన భారతాంబకున్.

మంగళం   ...   మహత్   ...   శ్రీశ్రీశ్రీశ్రీశ్రీ

వినమ్రతతో 

రామభక్తులైన మీ పాదధూళి,

చింతా రామకృష్ణారావు.

జైహింద్.

డా. ఎంవీ పటువర్ధన్ గారి శతావధాన ఆహ్వానపత్రిక. నిర్వహణ .. ప్రజ - పద్యం మరియుపిట్టిశ్రీరాములు తెలుఁగు విశ్వవిద్యాలయము.

 జైశ్రీరామ్.

జైహింద్.

మియాపూర్ సాహితీ మిత్రమండలి, హైదరాబాదు వారి ఆహ్వానము.

 జైశ్రీరామ్.

జైహింద్.

గోదాకల్యాణం - శతావధాని భరత్ శర్మ ప్రవచనం Goda Kalyanam pravachanam by Av...

జైశ్రీరామ్.

జైహింద్.

చిత్రకవి శ్రీ మరుమాముల దత్తాత్రేయశర్మ కృత తేటగీతి గర్భ చంపకమాల... శ్లోకానువాదము.

జైశ్రీరామ్.

నాకు తన చిత్రకవితతో పరమానందమునందించిన 

మా తమ్ముఁడు చి. మరుమాముల దత్తాత్రేయశర్మకు 

ఆనందపారవశ్యంతో అమ్మవారి ఆశీస్సులు అర్ధిస్తున్నాను.

*  *  *

చిత్రకవి శ్రీ మరుమాముల దత్తాత్రేయశర్మ కృత శ్లోకానువాదము.

శ్లో.  యత్నో హి సతతం కార్యః  -  తతో దైవేన సిద్ధ్యతి|

దైవం పురుషకారశ్చ  -  కృతాన్తేనోపపద్యతే||

👇🏼

తేటగీతి గర్భ చంపకమాల.

👇🏼

సతతము కార్యముల్ సలుప జాలుట ధర్మము సజ్జనాళికిన్

వ్రతముగ దైవమే బలము భాగ్యములిచ్చును ప్రాప్త సిద్ధికిన్

హితమగు సత్కృతుల్ జనులకీగతి సేమము సత్వశక్తియున్ 

జతగొని పూర్తియౌ మనుజ శక్తియు దైవము మంచిగూర్చుచున్

👇🏼

చంపకమాల గర్భస్థ  తేటగీతి.  

👇🏼

సలుప జాలుట ధర్మము సజ్జనాళి

బలము భాగ్యములిచ్చును ప్రాప్త సిద్ధి

జనులకీగతి సేమము సత్వశక్తి

మనుజ యత్నము దైవము మంచిగూర్చు.

భావము.  

👇🏼

తమ ఇష్టసిద్ధికి నిరంతరం ప్రయత్నం చేయవలసినదే. 

అప్పుడు దైవానుగ్రహం ఫలిస్తుంది. దైవానుగ్రహం, మానవప్రయత్నం, 

కాలం వల్లనే సిద్ధిస్తాయి. 

👌🏼

చిరంజీవి తమ్మునకు ఆ జగన్మాత ఆశీస్సులు నిండుగా ఉండుగాక.

పాఠకులు ఈ చిత్రకవితపై తమ అభినందనలందఁజేయఁగలరు.

జైహింద్.

తునిలో గల తపోవనం పీఠాధిపతులు సచ్చిదానంద సరస్వతీస్వామివారితో సంతోష్ కుమార్ ఘనపాఠి చతుర్ముఖ సంభాషణ.

జైశ్రీరామ్.

జైహింద్.

హారతి కళ్ళకు అద్దుకోకూడదని ఎలా అనగలరు? బ్రహ్మశ్రీ సంతోష్ ఘనపాఠి గారి స్పష్టమైన సోపపత్తిక వివరణము. #Hindudharmakshetram #SantoshGhanapathi

జైశ్రీరామ్.

బ్రహ్మశ్రీ సంతోష్ కుమారా! మీకు నిరంతరమూ ఆవేదమాత కరుణాకటాక్షాలు లభిస్తూనే ఉండుగాక. ఆ పరమేశ్వరి సనాతనమైన తన హైందవ ధర్మపరిరక్షణను తానే పలుపలు రూపాలలో ప్రత్యక్షమగుచు అనేకప్రక్రియలలో మానవులకు అర్థమయేలా ప్రబోధిస్తూ నిద్రాణమైన ఆత్మశక్తిని ప్రేరేపిస్తూ కర్తవ్యాంశాలను ప్రబోధిస్తూ ఉంటుందనుటకు మీరు చేయుచున్న ఈ సుస్పషటమైన వివరణతో కూడిన ప్రబోధలే నిదర్శనము. హిందువుగా పుట్టినందులకు మీరు హైందవ ధర్మాన్ని రక్షించుటకు యథాశక్తి కృషి చేస్తున్నారు. మిమ్ములను మీకుటుంబాన్ని ఆ పరమేశ్వరి ఆయురారోగ్యానందైశ్వర్యాలతో శతాధికవర్షములు జీవింపచేయుగాక అని నేను ప్రార్థిస్తున్నాను. మీ దర్శన భాగ్యాన్ని పొందడానికి కూడా యోగం సమకూడాలి. ఏమో అది నాకుందో లేదో ఆ అమ్మకే యెఱుక.

పూజనుద్దేశించి శివ ఉమా సంవాదములో 

మంత్ర హీనం, క్రియాహీనం యత్ కృతం పూజనం హరేః

సర్వం సంపూర్ణతామేతి కృతే నీరాజనే శివే.

కృత్వా నీరాజనం విష్ణోః దీపావల్యా సుదృశ్యయా

తమో వికారం జయతి జితే తస్మింశ్చ కో భవః.

కోటయోర్బ్రహ్మ హత్యానా మగమ్యాగమ కోటయః

దహత్యాలోకమాత్రేణ విష్ణోస్సారాత్రికం ముఖమ్.

యచ్చ దీపస్య మాహాత్మ్యం పూర్వం లిఖితమస్తితతః

ద్రష్టవ్యం సర్వ మత్రాపి ప్రాయేణాభేదతోనయోః

అతస్సాదరముత్థాయ మహానీరాజనం ద్విధం,

ద్రష్టవ్యం దీపమత్సర్వైః వంద్యం ఆరాత్రికంచ యత్.

ధూపంచారాత్రికం పశ్యేత్ కరాభ్యాంచ ప్రవందతే,

కులకోటిం సముదృత్యయాతి విష్ణోః పదమ్.

నీరాజనంచ యః పశ్యేత్ దేవదేవస్య చక్రిణః 

సప్త జన్మని విప్రస్స్యా దంతేచ పరమం పదమ్.

జైహింద్.

ఏకాదశ రుద్రుల స్తవము. ... రచన చింతా రామకృష్ణారావు.

 జైశ్రీరామ్.

"విశ్వేశ్వరాయ మహాదేవాయ త్ర్యంబకాయ త్రిపురాంతకాయ త్రికాగ్నికాలాయ 

కాలాగ్నిరుద్రాయ నీలకంఠాయ మృత్యుంజయాయ సర్వేశ్వరాయ సదాశివాయ 

శ్రీమన్మహాదేవాయనమః" 

అని రుద్రనమకంలో చెప్పబడింది. 

దీనిప్రకారం ఏకాదశ రుద్రులపేర్లు 

1. విశ్వేశ్వరుడు, 

2.మహాదేవుడు,

3. త్ర్యంబకుడు, 

4.త్రిపురాంతకుడు, 

5.త్రికాగ్నికాలుడు, 

6.కాలాగ్నిరుద్రుడు, 

7.నీలకంఠుడు, 

8.మృత్యుంజయుడు, 

9.సర్వేశ్వరుడు,

10. సదాశివుడు, 

11. శ్రీమన్మహాదేవుడు. 

౧ తే.గీ.  వినుత విశ్వేశ్వరా! నీదు విభవమెన్న

విశ్వవిజ్ఞానవేత్తకే వీలుపడును,

మానవుఁడనైన నేనెట్లు మన్ననమున

చెప్పఁనౌనయ? నీవె నన్ జేదుకొమ్ము.

 

౨ తే.గీ. ఓ మహాదేవ! సన్నామ! యో మహేశ!

నిన్ను సేవింప నీవౌచు నేనునొప్పి

నప్పుడే సాధ్యమౌనేమొ? యాదిశక్తి

కృపను పొంది నే సేవింతు నుపమ రహిత! 

౩తే.గీ.  ఓ త్రయంబకా! నీ శక్తి నొప్పుదీవె, 

సాటినీకేది? జననియే సాటి నీకు,

నన్ను మన్నించి, నిన్ సదా మన్ననమున

జపము చేయంగఁ జేయుమా, జయనిధాన!

౪తే.గీ. వినుత త్రిపురాంతకా! నాదు వినుతి వినుము,

జ్ఞాన సంపత్ప్రభనుఁ గొల్పి కాంక్షతీర

నీదు రూపంబు మదిలోన మోదమునను

కాంచునట్టులఁ జేయుము, కాలకంఠ! 

౫తే.గీ. హర! త్రికాగ్ని కాల! ధర మో హము ను వీడి 

నీదు దివ్యాగ్ని తేజంబు నేను గనుచు

నిన్ను నభిషేకమునుఁ జేయనిమ్ము దయను,

వందనంబులు శ్రీకంఠ! సుందరాంగ!

౬తే.గీ. జయము! కాలాగ్ని రుద్రా! ప్రశాంతతనిడి

నీదు మహనీయ రూపంబు నేర్పు మీర 

నాదు మదినెన్ని నిరతంబు మోదమలర

సేవలన్ జేసి తనియనీ, చిత్స్వరూప!

౭తే.గీ. నీలకంఠా! యుమానాథ! నిర్వికార!

నిత్యకల్యాణ కారకా! నీ మహత్వ

మెన్నుచున్ దృప్తి పొందనీ యీశ్వరుండ! 

వందనంబులు శ్రీకంఠ! సుందరాంగ!

౮తే.గీ. దేవ! మృత్యుంజయ! జయము, దేవదేవ!

మృత్యుమార్గంబు నెడఁబాపి సత్యపథము

నందు నన్నిల్పి, నీ కృపనందనిమ్ము,

వందనంబులు శ్రీకంఠ! సుందరాంగ!

౯తే.గీ. దివ్య సర్వేశ్వరా! జ్ఞానదీప్తి నీవె,

సర్వమీసృష్టి నీదౌను నిర్వికార!

మంచినే పెంచి మాలోన మానవతను

దైవశక్తిగా మార్చుమా! తత్త్వమరయ.

౧౦తే.గీ. ఓ సదాశివా! లోక సద్భాసమాన

పూర్ణరూపంబునీది, నిను పూర్తిగాను

చూచు చిచ్ఛక్తి నాకిమ్ము శుభగుణాఢ్య!

వందనంబులు శ్రీకంఠ! సుందరాంగ!

౧౧తే.గీ. వినుత శ్రీమన్మహాదేవ! విశ్వనాథ!

ముక్తిమార్గము చేరంగ భక్తి నిమ్ము,

భక్తి నీ పాదములపైన వరలనిమ్ము,

వందనంబులు శ్రీకంఠ! సుందరాంగ!

🙏🏼🙏🏼🙏🏼

జైహింద్.