గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

5, మార్చి 2017, ఆదివారం

కవయిత్రి పావులూరి సుప్రభ శ్రీ వల్లభవఝలవారి నూతన ఛందములననుసరిస్తూ వ్రాసిన మత్తరజనీ ద్వయ గర్భ రజనీకర ప్రియ వృత్తము.

జైశ్రీరామ్.
కవయిత్రి పావులూరి సుప్రభ.
మత్తరజనీ ద్వయ గర్భ రజనీకర ప్రియ వృత్తము.
--------------------------------------------------
రజనీకర ప్రియ వృత్తము
-------------------------
ర,జ,ర,ర,జ,ర గణములు - యతి -10
నీవె తల్లి నీవె తండ్రివే -నీరజాత పత్ర లోచనా
నీవె నాకు రక్షయౌదువే -నీరజాప్త కోటి భాసురా
నీవు గాక వేరు లేరుగా - నీరజాతగర్భ సుందరీ
నీవె నాకు సర్వమందునే- నీరజాసనీ! తరించనీ!
(గర్భిత) మత్తరజనీ వృత్తములు
---------------------------------
ర,జ,ర గణములు
యతి లేదు.
నీవె తల్లి నీవె తండ్రివే
నీవె నాకు రక్షయౌదువే
నీవు గాక వేరు లేరుగా
నీవె నాకు సర్వమందునే
నీరజాత పత్ర లోచనా
నీరజాప్త కోటి భాసురా
నీరజాతగర్భ సుందరీ
నీరజాసనీ! తరించనీ!
4;15 PM
02-03-2017
చింతా రామకృష్ణారావు గారు పంచిన పోస్ట్ లో వల్లభ వఝల వారి అష్టదళపద్మములోని మత్తరజనీ ద్వయగర్భ రజనీకర ప్రియ వృత్తము
ఆధారముగా వ్రాసినది. చాల సులువైనది. దీనికి భావినీ,కామినీ, తరంగవతీ అనే నామములు కూడ ఉన్నాయని జెజ్జాలవారు తమ వ్యాఖ్యలో వ్రాశారు.పద్మము కర్ణిక స్థానములో రజనీకర ప్రియ వృత్తములో 1,10 స్థానములలోనున్న అక్షరముండి (నీ) ఒక్కొక్కరేకులో ఒక్కొక్క మత్తరజనీ పాదముంటుంది. టెక్నాలజీ తో పెద్ద పరిచయము లేక పద్యములో నుంచి చూపలేకపోతున్నాను. అది ఎలాఉంటుందో తెలిసికొనదలచినవారికి చింతా వారి గోడపైన, ఆంధ్రామృతము బ్లాగ్ వద్ద అష్టదళపద్మములో చూపబడినవి వల్లభ వఝల వారి పద్యములున్నాయి.
జైహింద్.
Print this post

1 comments:

రాజేశ్వరి నేదునూరి చెప్పారు...

నమస్కారములు
కవయిత్రి పావులూరి సుప్రభ గారు .శ్రీ వల్లభవఝుల వారి నూతన ఛందముల స్పూర్తితో చేస్తున్న రచనలు అద్భుతముగా నున్నవి .అభినందన శుభాకాంక్షలు .శ్రీ చింతా సోదరులకు ధన్య వాదములు .

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.