శ్రీ విజయ నామ సంవత్సర మకర సంక్రాంతి శుభాకాంక్షలు

జైశ్రీమన్నారాయణ!

ఆశ్రిత సద్గుణ ధనులగు ఆర్యులకెల్లన్

సుశ్రేయము కొలుపగ నే

నా శ్రీమద్వేంకట పతి నర్ధింతు నెదన్.

రవి శుభ సద్గతిన్ మకరరాశిని చేరెడు పుణ్య కాలమున్ 

నవనవ కాంతులీ భువికి నవ్యత కూర్చెడు నార్యులార! మీ

రవిరళ శోభనావళిని హాయిగ గాంచుచు నిర్మలాత్ములై

కవులను గౌరవించుచు సుఖంబును కొల్పుడు మంచి మాటలన్.

మకర సంక్రాంతి మీకిడు సకల సుఖము

లాయురారోగ్యములు. శుభాహ్వయులఁ జేయు.

నిరుపమానంద పూర్ణులై వరలుడింక

పెద్దలందరి దీవన లొద్దిక గని.

జైహింద్.

Print this post