జైశ్రీరామ్.
శ్లో: కృషితో నాస్తి దుర్భిక్షం, జపతో నాస్తి పాతకః.మౌనేనకలహంనాస్తి, నాస్తి జాగరుతో భయమ్.
గీ: కఱవు లుండవు కృషి చేయ కమల నయను
జపముతో పాప హరమగు. సహన మతిని
మౌనముగనున్న కలహంబు కానమెపుడు
జాగరూకున కభయంబు జగతిలోన.
భావము:
వ్యవసాయము చేసినచో కఱవుండదు. జపమొనర్చిన పాతకములు తొల్సగిపోవును. మౌనముగా నుండినచో పోట్లాటలు రావు. జాగరూకులమై ఉండినచీ భయముండదు.
జైహింద్.
వ్రాసినది
Labels:
2 comments:
నమస్కారములు
నిజమే వీటిలో కొన్నైనా పాటించ గలిగితే మేలిమి బంగారం వంటి మన సస్కృతికి కొంతైనా న్యాయం చేసిన వార మౌతాము అందుకు అందరు తమవంతు కృషి చేయాలి
మాదొక చిన్న ప్రయత్నము:
కరవు లుండవు, పాపముల్ కరగిపోవు
కలహములు చెల్లు, భయములు తొలగిపోవు
మంచి కృషిచేత జపముచే మౌన ముద్ర
చేత జాగరూకతచేత క్షితితలమున
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.