మేలిమి బంగారం మన సంస్కృతి 57.

మంచిచెడ్డల సమ్మేళనంనుండి మంచినే గ్రహించాలని ఎంతచక్కగా చెప్పారో పూర్వీకులు. చూడండి.

శ్లో:-

అనంత శాస్త్రం బహు వేదితవ్యం

అల్పశ్చ కాలో బహవశ్చ విఘ్నాః !

యత్ సార భూతం తదుపాసితవ్యం

హంసో యథా క్షీరమివాంబు మిశ్రం !!

గీ:-

శాస్త్ర మెఱుగ ననంతము సమయ మల్ప

మధిక మాటంకములు కాన హంస యెట్లు

పాలుమాత్రమె గ్రహియించి ప్రబలు? నట్ల

మంచి మాత్రమె గ్రహియించి మహిమ గనుడు.

భావము:-

తెలిసికొన వలసిన శాస్త్ర మనంతముగా నున్నది. కాలము అల్పముగా నున్నది. ఆటంకములు అధికముగా నున్నవి. కావున హంస ఏ విధముగా నీటిని విడిచి పాలనే గ్రహించునో అదే విధముగా చెడ్డను విడిచి మంచినే గ్రహింపుము.

జైహింద్.

Print this post