జైశ్రీరామ్.
శ్లో. జరా రూపం హరతి ధైర్య మాశా ,మృత్యుః ప్రాణాన్ ధర్మచర్యా మసూయా ,
కామో హ్రియం వృత్త మనార్యసేవా ,
క్రోధః శ్రియం సర్వ మేవాభిమానః .
గీ. ముదిమి రూపమున్, ధైర్యమున్ పోని యాశ,
ప్రాణమున్ మృత్యు వసూయ వర్తనమును
కల్గు కామము సిగ్గును, ఖలుల సేవ
శీలము, శ్రియమున్ గోపము,కొల్లగొట్టు,
గర్వమది సర్వమున్ బాపు కనరదేల?
భావము. ముసలితనము రూపమును , ఆశ ధైర్యమును , మృత్యువు ప్రాణములను , అసూయ ధర్మప్రవృత్తినీ , కామము లజ్జను , దుష్టసేవ శీలమును, కోపము ఐశ్వర్యమును , గర్వము సర్వమును హరించును.
జైహింద్.
వ్రాసినది
Labels:
1 comments:
నమస్కారములు
పెద్దతనమున ఇవన్నీ హరించుకు పోవడం వలన ' ఆధ్యాత్మికము నందు నిలచి మోక్షమును కోరుకోవలెను కానీ ఎంతమంది ఆచరించ గలుగుతున్నారు అన్నదే ప్రశ్న .
చాలా మంచి విషయం చెప్పారు ధన్య వాదములు
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.