సరస వాఙ్మృదు రూపిణి! శారదాంబ! ( కంద - గీత - గర్భ చంపక మాల )

ll नमः सरस्वत्यै दॆव्यै ll

ఆంధ్ర సాహితీ ప్రియులారా! ఆ శారదాంబ మన ఆంధ్ర భాషార్ణవ రూపంలో విశ్వ సాహితీ వేత్తల కెంతటి సంభ్రమాశ్చర్యాలను కలిగిస్తోందో అన్న విషయం ఊహించుకుంటేనే మనకు ఒళ్ళు గగుర్పొడుస్తుంది కదూ! అద్భుతమైన వైవిధ్యంతో రచనా వైదుష్యాన్నిప్రకటించిన పింగళి సూరనాది మహాకవులు మన ఆంధ్ర భాషామ తల్లి కీర్తి పతాకను సాహితీ విను వీధిలో ఎగురవేసారు. మనం ఎంత చదివినా ఎంత నేర్చుకొన్నా అది ఏ మాత్రమూ కాదనే విషయం ఆంధ్ర భాషార్ణవంలో ఓలలాడే సాహితీ వేత్తలకు  వివరింపఁ బని లేదు. ఆ శారదాంబ అపార కరుణామృత వర్షమే ఆ మహా కవుల పేళ్ళూ, వారి కావ్యాలు, అజరామరంగా సాహితీ జగత్తులో నిలిచాయి.

అట్టి శారదా మాత కృపంజేసి ఆ యమ కలంకరింప " కంద - గీత - గర్భ చంపక మాల " ను సిద్ధం చేసాని.
అలంకరిద్దామా!
కంద - గీత - గర్భ చll
వర `మృదులోక్తిలో సరస వాఙ్మృదు రూపిణి! శారదాంబ! శ్రీ
వర మదిగా'! సుధా మధుర భాషఁ దెలుంగున మమ్ముఁ బ్రోచి, సా
దర `మది లో కృపన్ సతము దాల్చెదవీవటఁ జక్కనమ్మ! శ్రీ
కర మృదులా' క్షరా! శుభము గాంచెదమే! నువు చూడఁ దానిచే . 
బేగ్రౌండ్ కలర్ ఉన్నపాదాలు తేట గీతి.
నీలి అక్షరాలు మినహాయిస్తే ఒకటి, మూడు పాదాలు పూర్తిగా, రెండు నాలుగు పాదాలలో మొదటి ఐదక్షరాలు, కందపద్యం గా గుర్తింప మనవి.
చూచారు కదా! తప్పులున్న మన్నించి, సూచించ మనవి.
జైహింద్. Print this post