గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

23, ఫిబ్రవరి 2014, ఆదివారం

గుణ దోషౌ బుధో గృహ్ణన్. మేలిమి బంగారం మన సంస్కృతి157.

జైశ్రీరాం
శ్లో. గుణదోషౌ బుధో గృహ్ణన్ , ఇందుక్ష్వేడావివేశ్వర: 
శిరసా శ్లాఘతే పూర్వం , పరం కంఠే నియచ్ఛతి.
గీ. బుధుఁడు గుణ దోషము లరసి మూర్ధముననె
గుణము నుంచుచు నణచు దుర్గుణమునతఁడు.
శివుఁడు చంద్రుని శిరమున చేర్చుకొనుచు,
విషము కంఠాన నిలిపిన విధముగాను.
భావము. పండితుఁడు గుణ, దోషాలను రెండిటినీ గ్రహించి, గుణాన్ని నెత్తినపెట్టుకుంటాడు. దోషాన్ని నియంత్రిస్తాడు. శివుడు చంద్రుణ్ణి శిరస్సు మీద ఉంచుకున్నాడు. విషాన్ని గొంతులోనే నిలిపి ఉంచాడుకదా !     
జైహింద్
                                                                                                            
Print this post

0 comments:

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.