తేజోరాశి విభూష మోక్షణ కరీ భూతిస్సదా ధార్యతామ్.

విభూతి ధారి వశ్య వాక్కు శ్రీ ములుగు సిద్ధాంతి

జైశ్రీరామ్.

భగవద్భక్తి పునీయులైన పూజ్య పాదులారా! సుమనర్నమస్సులు.

మన హైందవ సంప్రదయంలో విభూతి ధారణ, తిలక ధారణాదులు గుర్తించ తగ్గ సల్లక్షణాలు.

మన  పూర్వీకులు ఏర్పాటు చేసిన ఆచారాలేవీ కూడా నిరర్థకమైనవి కావనే విషయం అనుభవైకవేద్యం. 

ప్రతీ పనినీ చేసే విధానమూ, తత్ప్రయోజనము శ్లోకరూపంలోనో, మంత్ర రూపం లోనో మన సాహిత్యంలో నిక్షిప్తం చేసి యున్నారు.

అందు విభూతి ధారణ సమయంలో చక్కని శ్లోకం ఉంది. అటులనే తిలక ధారణ విషయంలో కూడా  చక్కని శ్లోకముంది.

ప్రస్తుతం నేను అను శ్రుతంగా గ్రహించిన విభూతి ధారణ శ్లోకాన్నిక్కడ తెలియఁజేస్తున్నాను.

భూతిర్భసిత భస్మనీ! శివకరీ! పాపౌఘ విధ్వంసినీ! 

సర్వోపద్రవ నాశినీ! ప్రియ కరీ! సర్వార్థ సంపత్కరీ! 

భూత ప్రేత పిశాచ రాక్షసగణాz రిష్టోపసంహారిణీ! 

తేజోరాశి విభూష మోక్షణ కరీ! భూతిస్సదా ధార్యతాం.

శ్రీకరంచ పవిత్రంచ శోకరోగ నివారణం
లోకే వశీకరం పుంసాం భస్మం త్రైలోక్యపావనం

ఇంతకీ ఈ విషయాన్ని "ఎవరికి తెలియనిదని ప్రత్యేకించి తెలియఁజేయటం?" అని మీరు నాపై కినుక చూపకండి. ఈ శ్లోకంలో దోషాలుంటే మీద్వారా తెలుసుకో వచ్చని మీముందీ విషయాన్నుంచాను. దీనితో పాటు తిలక ధారణాదులకు సంబంధించిన మంత్రాలను, శ్లోకాలను ప్రకాశింపఁ జేస్తారని నాప్రగాఢమైన ఆశ.
జైహింద్

Print this post