ఆంధ్రామృతం అభిమాలందరికీ 2011ఆంగ్ల వత్సరాది శుభాకాంక్షలు.

ప్రేమామృత మూర్తులారా! 2011 ఆంగ్ల వత్సరాది సందర్భంగా  ఆంధ్రామృతం మీ అందరికీ శుభాకాంక్షలు తెలియ జేస్తోంది. 

అనంత కాలములో నిరంతర సంచార జీవులమైన మనము, సృష్టికి మూల మైన ఆ పరమాత్మను సేవించే సమయం చిక్కడం దుర్లభం ఔతోదికదండీ.

అందుకే మనం చేసే ప్రతీ పనిలోను ఆ పరమాత్మను సేవిస్తున్నట్టుగా భావిస్తూ చేస్తే అది నిజమైన పరమాత్మ సేవే ఔతుంది కదండీ. 

అందుకే వచన రూపంలో ఆ పరమాత్మను ప్రార్థించే విధానం మీ ముందుంచుతున్నాను. 

ఇందుకు సంబంధించిన మూలాన్ని, 

దానికి నేను చేసిన పద్యానువాదాన్ని సమయం చిక్కినప్పుడు మీ ముందుంచగలను.

శివ మానస పూజ

जगतः पितरौ वंदॆ पार्बती परमॆश्वरौ

రత్నములు పొదగ బడిన సింహాసనము, 
చల్లని తీర్థముతో స్నానము, 
పట్టు వస్త్రము, 
అనేక విధనులైన రత్నములు పొదగ బడిన దివ్య ఆభరణములు, 
కస్తూరి, చందనము, 
విరజాజి, సంపంగి, మారేడు మొదలగు పుష్పములతో చేయబడిన పూమాల, 
ధూపము, దీపము, 
మొదలగునవి నా హృదయమునందు (సం)కల్పించి యుంటిని. 
ఓ దేవాది దేవా! స్వీకరింపుము. 
నవరత్న శకల విరచిత సౌవర్ణ పాత్రమున నేయి, 
పరమాన్నము, 
పాలు, పెరుగుతో కూడిన పంచ భక్ష్యములు 
అరటి పండ్లు, చక్కెర పానకము, 
శాకా నామ యుతమైన రుచికరమైన జలము, 
కప్పురపు విడెము, 
నా మనసు నందు భక్తితో సిద్ధము చేసితిని. ఓ పరమేశ్వరా! స్వీకరింపుము. 
ఛత్ర, చామర యుగము. 
వీవన,....... వీణా భేరి, 
మృదంగకోహల, కలా గీతము, నృత్యము, 
అదే విధముగా సాష్టాంగ ప్రణామము 
అనేక విధములగు ప్రస్తుతులు, 
ఓ విభూ!  ఇట్టి వన్నియు నా చేత సంకల్పుము ద్వారా నీ కొఱకు సమర్పింపఁ బడినవి. 
ఓ పరమాత్మా!  ఈ పూజలను స్వీకరింపుము.
ఓ శంభో! నా ఆత్మయే నీవు. 
నాయొక్క బుద్ధియే ఆ జగన్మాత ఐన గిరిజ. 
ప్రాణి కోటియే సహ చర గణము. 
నాశరీరమే ఆలయము. 
సంసారిక కార్య కలాపములే నీ పూజ. 
నిద్దురపోవుటయే సమాధి. 
పాదములతో తిరిగేదంతయూ నీ కొఱకు చేయు ప్రదక్షిణ. 
నేను పలికెడి పలుకు లన్నియు నీ కొఱకు చేయు స్తోత్రములే. 
ఏ పనులైతే నేను చేయు చుంటినో అవి సమస్తము నీ ఆరాధనయే సుమా! 
కరుణా సాగరుడవైన ఓ పరమేశ్వరా! 
కాళ్ళతో గాని, 
చేతులతో గాని, 
శరీరముతో గాని, 
కర్మలతో గాని, 
చెవులతో కాని, 
కన్నులతో గాని, 
మనసుతో కాని, 
తెలిసి కాని, 
తెలియక కాని 
చేసినవైన పనులలో గల అపరాధములు క్షమించుము. నీకు జయము.
लॊकाः समस्ताः सुखिनॊ भवंतु.
जै श्रीरं.
जैहिंद्. Print this post