శ్రీ విజయ నామ సంవత్సరాగమశుభవేళ ఎల్లరకు శుభాకాంక్షలు.

జైశ్రీరామ్.
ప్రియభారతి ముద్దుబిడ్డలారా!
విజయ పరంపరలకాలవాలమైన శ్రీ విజయ నామ సంవత్సరము ఈ ఉగాదితో ప్రజల జీవితాలను నడిపించ వచ్చింది.
సుజన రంజకమై, సత్కవిపండితులకాలంబమై, ఆనందడోలికలలో ఓలలాడింపనుంది.
మీకందరికీ ఈ వత్సరమాద్యంతము విజయ పరంపరలనొడగూర్చుచూ మిమ్ములనందరినీ ఆనందపరవశులుగా చేయాలని మనసారా కోరుకొనుచున్నాను.
ఈ నవ వసంత శుభవేళలో కోకిలల కంఠాలే పంచమస్వరభరితమై కుహుకుహు ధ్వానములు చిఱుగాలులతో కలిసి స్వైరవిహారం చేసేలా చేస్తాయి. ప్రకృతిలో ఈ మార్పు మనకు కనువిప్పు కావాలి. మనము కూడా లోకకల్యాణకరమైన ఆలోచనలను మనసున నింపుకొని, మంగళప్రదమగు సత్ప్రవర్తనతో రాణించాలనే దీక్ష పూనవలసిన సమయమిది.
మన సల్లక్షణదీక్షకు ఇదే సరియైన సమయము.త్రికరణశుద్ధితో మెలగే మనకు తోడుగానే విజయ పరంపర ఉంటుంది.
మీ తోటివారికి కూడా ఇట్టి సత్ప్రేరణను కల్పించుట మీ ధర్మముగా భావించి ఆ విధముగ ప్రవర్తింప మనవి.
నమస్తే.
మీ రామకృష్ణా రావు.
జైహింద్..

Print this post