గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

7, మార్చి 2012, బుధవారం

మాతృ వియోగంతో విషాద మగ్నులై యున్న శ్రీ గరికిపాటి నరసింహారావు గారికి మా ప్రగాఢ సంతాపాన్ని తెలియ జేస్తున్నాము.

మాతృ దేవోభవ.
ఆంధ్ర భాషార్నవాన్ని అవలీలగా ఆపోసన పట్టి, తన ధిషణా పాటవంతో మేథో మదనం చేసి, ఆంధ్రామృతాన్ని అవలీలగా సృజింప జేస్తూ, యావదాంధ్రభాషాభిమానులకూ అంద జేస్తూ హృదయాలలో సహృదయ శిరోమణిగా స్థిరుఁడై అనితర సుసాధ్యమైన అవధాన పటిమతో ధారణా ప్రతిభతో అవధాన బ్రహ్మ రాక్షసుఁడుగా కీర్తింపబడే బ్రహ్మశ్రీ గరికిపాటి నరసింహారావు గారికి జన్మనిచ్చి, ఆంధ్ర మాతకే కన్న తల్లి యైన గరికిపాటివారి మాతృమూర్తి తన భౌతిక దేహమును వీడి, స్వర్గపథము చేరడం నరసింహారావు గారికే కాక యావదాంధ్ర జనావళికీ బాధాకరము.
సృష్టి ధర్మము అనుల్లంఘనీయము కదా! ఆ మాతృ మూర్తి  ఆత్మకు శాంతి చేకూరాలని కోరుతూ,
శ్రీ గరికిపాటి నరసింహారావుగారికి మా ప్రగాఢ సంతాపాన్ని తెలియ జేస్తున్నాము.
Print this post

5 comments:

శ్రీపతిశాస్త్రి చెప్పారు...

అమ్మను స్మరిస్తూ, అమ్మను ప్రేమిస్తూ అమ్మ అనగానె తన్మయత్వం పొందు శ్రీ గరికపాటి నరసింహరావుగారికి మాతృవియోగం కలిగినదని తెలిసి నాకు బాధకలుగుచున్నది. ఆ మాతృమూర్తి ఆత్మకు శాంతి కలగాలని భగవంతుని ప్రార్థిస్తున్నాను.

Pandita Nemani చెప్పారు...

అమ్మ అమృతమూర్తి అనురాగ సంధాత్రి
ధరణిపైని అమ్మ దైవతమ్ము
ఆ వియోగ తాప మందున్న నరసింహ
ధైర్యమొకటె తీర్చు తాపమెల్ల

గోలి హనుమచ్చాస్త్రి చెప్పారు...

శ్రీ గరికిపాటి వారికి నా ప్రగాఢ సంతాపాన్ని తెలుపు చున్నాను.

అమ్మహ నీయుం డెప్పుడు
అమ్మను తలవంగ మిగుల నార్ద్రత నొందున్
అమ్మ గలిసె దుర్గమ్మను
అమ్మా నీవిమ్మ 'అమ్మ' కాత్మకు శాంతిన్.

అజ్ఞాత చెప్పారు...

శ్రీ గరికపాటి నరసింహారావు గారికి మాతృ వియోగం తెలిసి చాలా బాధ కలైగింది. నా సానుభూతి తెలియ చేస్తున్నాను.

శ్రీపతిశాస్త్రి చెప్పారు...

శ్రీగురుభ్యోనమ:

నమ్మెను దైవమే యనుచు నందరు మెచ్చగ కన్నతల్లినే
అమ్మకునంజలించి జగదంబకు వందనమాచరించుచున్
కమ్మని కంఠమున్ బలికె కావ్యసుధారసధారలెన్నియో
అమ్మవియోగ దు:ఖమును నార్పగ శక్యమె నారసింహుకున్

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.