అష్టావధానానికి తప్పక తప్పక తప్పక వస్తారు కదూ?

జైశ్రీరామ్

తెలుగును మాటలాడు గుణ దీపిత సజ్జనవర్యులార! నే

తెలిపిన యట్లు సత్కవన తేజము నింపెడి సద్వధానమున్

సలుపుట కిచ్చగించిరి ప్రశస్త కవీంద్రులు కట్టమూరి. మీ

చెలువము చూపి నాపయిని శ్రేయము గొల్పగ రండు సమ్మతిన్.

జేపీ నగర్, సభాస్థలి

దీపిత శ్రీ వేంకటేశు దేవళ మందున్

శ్రీ పండితవరు లెన్నగ

రూపొందు వధానమిద్ది శ్రుతి పేయమునౌన్.

తప్పక రావలె, కనవలె.

తప్పక వినవలె కవిత్వ ధారణ విధమున్.

తప్పక యోచింపగ వలె

నిప్పద్ధతి కొలుపు మేలు నెల్లరు కృపతో.

మేధాశక్తిని పెంచెడు

నీధాత్రి వధాన విద్య హృద్యాద్భుతమై.

బాధలు మరిపించును. స

ద్బోధను కలిగించు నిజము పుణ్య ఫలమనన్.

బద్ధకము వీడి రావలె.

నిద్దురపోవుటయు మాని, నిండు మనముతో

నొద్దికతో రావలయును.

శుద్ధాత్ముల కవుల తీరు చూడగ వలయున్.

తప్పక మీ రొత్తురుగా?

ఇప్పట్టున మానిరేని ఇట్టి సభికులన్

గొప్పగు నవధానిని, పెం

పొప్పగ గన నవదు తెలియ నురు గుణ శోభన్.

గుర్తుంచుకోండి.

అష్టావధానం జరుపు తేదీ:- 12 - 02 - 2012. ఆదివారం

సమయము:- మధ్యాహ్నం  3 గంటలకు.

స్థలము:- శ్రీ వేంకటేశ్వర స్వామి వారి కోవెల ప్రాంగణము. జయప్రకాశ్ నారాయణ్ నగర్, మియాపూర్, హైదరాబాదు.

అవధాని పేరు:- డా.కట్టమూరి చంద్రశేఖరం.

తప్పక రండి.

వివరములకు సెల్ నెంబర్. 9247238537.

జైహింద్.

Print this post