పరోపదేశ వేలాయాం...... మేలిమి బంగారం మన సంస్కృతి,

జైశ్రీరామ్. 

ఓం శ్రీమాత్రే నమః🙏🏻

శ్లో.  పరోపదేశ వేలాయాం   -  సర్వే వ్యాసపరాశరాః,

ధర్మే స్వయమనుష్టానం  -  కస్యచిత్తు మహాత్మనః.

ఆ.వె. ధర్మ బోధ చేయ ధరణి పైనందరు

నల పరాశరులును వ్యాసులె కద,

ఆచరించువార లందులో కొందరే

యుండుదురు మహాత్ము లుర్విపైన.

భావము.  పరులకు బోధించు వేళలలో అందరూ వ్యాస పరాశరులే.

వారేధర్మమునైతే బోధింతురో ఆ ధర్మము స్వయముగానాచరించుమహాత్ములు కొందరే ఉందురు.

అమ్మ దయతో

చింతా రామకృష్ణారావు.

జైహింద్.

Print this post