విపత్తిష్వవ్యథో దక్షో.... ... మేలిమిబంగారం మన సంస్కృతి.

 జైశ్రీరామ్.

శ్లో.   విపత్తిష్వవ్యథో దక్షో - నిత్యముత్థానవాన్నరః|

అప్రమత్తో వినీతాత్మా - నిత్యం భద్రాణి పశ్యతి||

తే.గీ.  క్రుంగకాపదలందున క్షోణినిలిచి, 

కార్యదక్షుఁడై, స్పృహఁ గల్గి క్రాలువాఁడు,

వినయముననొప్పువాఁడు వివేకశాలి,

శుభములాతనిన్ జేరుచు శోభఁ గొలుపు.

భావము.  ఆపత్కాలంలో క్రుంగిపోనివాడికి, కార్యనిర్వహణలో నేర్పు కలవాడికి, 

అప్రమత్తంగా మెలిగేవాడికి, వినయవిధేయతలు కలవాడికి ఎల్లప్పుడు శుభాలే 

చేకూరతాయి.

జైహింద్.

Print this post