గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

10, నవంబర్ 2016, గురువారం

చిరంజీవి ఈయన్వీ రవి అందఁ జేసిన అంకెలతో తెలుగుకవిత్వపు చమత్కారం ( ముకుందవిలాసం 2.98)

జైశ్రీరామ్.
అంకెలతో తెలుగుకవిత్వపు చమత్కారం చూడండి.
అనువై నెన్నుదురొంటుగాఁ బదునొకండై కన్బొమల్ జంటగా
ఘనతం బోల్పఁగ రెండు తొమ్మిదులునై కర్ణద్వయం బొప్పగా
గన పూర్ణస్థితి బర్వ లీల నెసగంగా నింతయుం గూడదా
దినసంఖ్యం దిలకింప నిండునెలగా దీపించు మోమింతికిన్.
( ముకుందవిలాసం 2.98)
అమ్మాయి నుదురు "౧" - ఇలా ఉంది. కనుబొమలు "౧౧" - ఇలా ఉన్నాయి. కర్ణద్వయము "౯౯" - ఇలా ఉన్నాయి. అన్నీ కూడితే - అంటే ౧ + ౧౧ + ౯ + ౯ = ౩౦. ౩౦ రోజుల నిండునెలగా భద్రాదేవి ముఖం చంద్రునివలే భాసిస్తోంది.
జైహింద్.
Print this post

1 comments:

రాజేశ్వరి నేదునూరి చెప్పారు...

నమస్కారములు
అంకెలతో గారడీ తమాషాగా బాగుంది . చిరంజీవి రవిగారికి అభినందనలు

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.