ఛాయామన్యస్య కుర్వంతి తిష్ఠంతి స్వయ మాతపే.
ఫలాన్యzపి పరార్థాయ వృక్షాస్సత్పురుషాయివ.
గీll
ఎండలోవృక్షమెండుచు నితరులకది
నీడనిచ్చును. ఫలములు నేల వ్రాల్చు.
మంచివారిని పోలుచు మహిని వెలసి
తీయనైనట్టి పండ్లను తినగ నొసగు.
భావము:-
వృక్షములు తాము ఎండలో ఎండుచూ ఇతరులకు నీడ నొసగుచున్నవి. అంతే గాక సత్పుషుల వలె తమ ఫలములను కూడా ఇతరులకే ఒసగుచున్నవి. ఈ శరీరము కలిగి యున్నందులకు నిస్వార్థముగా పరోపకారము చేయుటయేకదా సత్పురుష లక్షణము.
జైహింద్. Print this post
వ్రాసినది
Labels:
4 comments:
వెతికి వెతికి ఆణిముత్యాలు తీసి మా కందరికీ కను విప్పు చేస్తున్నందుకు ఆ శ్లోకం మీకూ బాగా వర్తిస్తుంది. చింతా వారూ నమోవాకములు.
నిజమె మనం పెట్టిన గడ్డితిన్న పశువులు మనకి కమ్మని పాలు యిస్తున్నాయి.భూమాతను తవ్విన కొలదీ మనకి మణి మాణిక్యాలను అందిస్తోంది అలాగే ప్రకృతి మనకు ప్రసాదించిన వరాలన్ని మననుంచి ఏమాశించి ? " ఫలాపేక్ష లేకుండా ఏదైనా మంచిని చేయగలిగితె అంతకంటే ఔన్నత్యం మరెముందని ? చక్కని విషయం చెప్పినందుకు అభినందనలు.
మేలైన విషయములను చక్కని వివరణలతో మాకు అందిస్తున్నందుకు మీకు నా ధన్యవాదములు.
పరోపకారమును గూర్చిన అనేక శ్లోకములు కలవు. వీలయినన్నింటిని తగు వ్యాఖ్యలతో ఒకే టపాలో వ్రాసినయెడల చదువరులు ఆనందించ గలరని నా భావన. ఈ పనికి మీరు సమర్ధులు. ఇది నా అభ్యర్ధనగా భావించ గలరు.
చక్కటి అనువాదాలతో అత్యుత్తమమైన నీతి పద్యాలను మాకందిస్తున్నారండి. మీకు మేము ఋణపడి ఉంటాము.
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.