గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

25, సెప్టెంబర్ 2009, శుక్రవారం

మేలిమి బంగారం మన సంస్కృతి 60.

సజ్జన పుంగవులారా!
మనం ధన మూల మిదం జగత్ అని అందరం అనడం తెలుసు. ఐతే దానికి మూల శ్లోకం అంతా మనం తెలుసుకొంటే బాగుంటుంది కదా? ఐతే యీ క్రింది శ్లోకాన్ని పరిశీలించండి.

శ్లో:-
వేద మూల మిదం జ్ఞానం. భార్యా మూల మిదం గృహం.
కృషి మూల మిదం ధాన్యం. ధన మూల మిదం జగత్.

గీ:-
వేద మూలము జ్ఞానము విజ్ఞు లరయ.
భార్య మూలము గృహమిల ప్రస్పుటముగ.
కృషియె ధాన్యము మూలము, కీలు చీల.
ధనమె మూలము జగతిని, మనుజులకును.

భావము:-
జ్ఞానమునకు వేదమే మూలము. గృహమునకు భార్యయే మూలము. బ్రతుకుటకు మూలాధారమైన ధాన్య సంపత్తికి వ్యవసాయమే మూలము. ఈ ప్రపంచమున మనవాళికి ధనమే మూలము.

కావున - - -
వేద జ్ఞాన సముపార్జనము, గృహమునకు మూలమైన గృహిణిని గౌరవించడము, జీవనాధారమైన వ్యవసాయ భూములను తాత్కాలిక ధనాశతో తెగనమ్ముట మాని చక్కని వ్యవసాయము చేయడము, అవసరములకు తగినంత ధనమును ధర్మ బద్ధముగ సంపాదించడము మనకు అవశ్యాచరణీయములని గ్రహించి, ఆచరింప వలసి యున్నది.

జైహింద్.
Print this post

0 comments:

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.