జైశ్రీరామ్.
ఆర్యులారా! ఆ హరిప్రియ రమాలలామ నాచే వ్రాయించిన శ్రీ చక్రబంధ అష్ట లక్ష్మీ స్తోత్ర గీతావళిని ఆ జగన్మాతకే సమర్పించుచు మీ ముందుంచుచుంటిని. తిలకించండి.
౧. లక్ష్యమును జేర్చు శ్రీ గజలక్ష్మి మ్రోల
మనసు నిల్పుదు. శ్రీదేవి మమ్ము చేదఁ
గవన మత్తేభ శ్రీ కల్గి కాంక్ష తీర్- చు
లక్ష్య మది గని, లబ్ధి దలంచుమేల.
౨. రక్ష ధన లక్ష్మి శ్రీఁ గొల్పు నక్షయంబు
వర్ధనము చేయుశ్రీ శుభ భావశ్రీని
కొలుచు వారికి శ్రీ లక్ష్మి కొల్పు భాతి
రక్షవయి కొల్పు బుద్ధిని భ్రాంతి తీర!
౩. లక్ష్య నరునికి శ్రీ ధాన్య లక్ష్మి ప్రాపు
దయను పోషించు శ్రీకివే దండి పూలు
లేమి విడనాడ శ్రీ సేవలే సురక్ష
లక్ష్మి దరి లేని పుష్పాలు లక్షలేల?
౪. లక్ష శుభములు శ్రీ ధైర్య లక్ష్మిఁ జేర
లక్ష్మిలసమాన శ్రీ ధైర్య లక్ష్మి వెంట
నమరు వారలు శ్రీ దీప్తి కంక మాల్య
లక్ష్మిలభినవరక్షట లౌల్యమేల
౫. కలిత సంతాన శ్రీలక్ష్మి. జ్ఞాన పుత్రు
లక్ష్యముననిచ్చు శ్రీముక్తిలాభమౌను
చపలతన్ బాపు. శ్రీజ్ఞాన శక్తిఁ దేల్చు
కమలలోచన త్రుళ్ళును కాల్చు గాక!
౬. విద్య యనఁబడు శ్రీ లక్ష్మి!
నశ్వరముఁ బాపు శ్రీదివ్య జ్ఞాన ధామ !
రుచిరసన్నుత శ్రీ విద్య రోచిఁ గొల్పు!
విద్యనమరుచు తల్లి! మద్వేల్పు దేవి!
౭. లక్ష్యములఁ గూర్చు శ్రీ ఆది లక్ష్మి జ్ఞాన
ముద్ర ధరియింతు శ్రీభక్త పూజ్య మ్రోల
గొప్ప కవిఁ జేసి శ్రీ లక్ష్మి కొల్పు భాతి
లభ్యమునుఁగొల్పినన్నేల లాఁతి యేల
౮. సత్కవులపాలి శ్రీకర చంద్ర వంక
జగతి సద్రూప శ్రీలిచ్చు,చక్కఁ గాచు
శ్రీ విజయ లక్ష్మి.శ్రీ జన సేతుచంద్ర.
సద్విజయ శ్రీని కల్పించుచంద్రభాస!
జైహింద్.
వ్రాసినది
Labels:
3 comments:
నమస్కారములు
అష్ట లక్ష్ములను తేట తేట గీతులతో అందంగా చక్రము నందు బంధించి వారి వారి వైభవములను అందించిన అణి ముత్యములకు శిరశాభి వందనములు
శ్రీ చింతా వారికలం మరింత ద్విగుణీకృతముగా వెల్లివిరియాలని దీవిస్తూ అక్క
బ్రహ్మశ్రీ చింతా వారికి వందనములు.శ్రీచక్రస్థిత యైన అమ్మ వారి రూపములను వర్ణించిన మీరు ధన్యులు..
అష్ట లక్ష్ముల మాహాత్మ్య- మావహించె
తమదు చక్రబంధమునందు - తనివితీర!
నేదునూరి రాజేశ్వరి - నిజమువల్కె!
వారి యభినందనశతము -వరము మీకు !!
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.