గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

23, ఫిబ్రవరి 2011, బుధవారం

హరి యను రెండక్షరములు హరియించును పాతకములు.


శ్లోll
కలౌకల్మష చిత్తానాం పాప ద్రవ్యోపజీవినామ్
విధి క్రియా విహీనానాం హరేర్నామైవ కేవలమ్.
తే.గీll
కలి యుగంబున కల్మష కలితులకును,
పాప ద్రవ్యోప భుక్కులౌ పాపులకును,
విహిత క్రియ వీడి చరియించు వెడఁగులకును
హరి ముదావహ నామము శరణమరయ.
భావము:-
కలియుగంలో కల్మష చిత్తమున్న వారికి, 
పాప సంపాదనతో జీవిస్తున్న వారికి,
వేద విహిత కర్మాచరణ లేనివారికి
కేవల హరి నామమే మార్గము.
జైశ్రీరామ్.
జైహింద్.
Print this post

4 comments:

Naveen చెప్పారు...

bagaa selavicchaaru.
ee kaliyugam lo hari naama sankeerthana matrame manushulaku prashantatanu, mukthi prasadinchagaladu.

durgeswara చెప్పారు...

హరినామమే మనకు మిగిలే ధనమూ
అన్నింటికన్నా మిన్నైన ధనమూ.......


కీర్తన

రాజేశ్వరి నేదునూరి చెప్పారు...

నిజమె ఈ కలియుగంలొ రొజుకు ఒకసారైనా " హరి నామస్మరణ " చేయ గలిగితె కాస్త మనస్సాంతి దొరుకుతుందేమొ

చింతా రామకృష్ణారావు. చెప్పారు...

బాగుంది రఘూ! పూరణ.
నీ వినూతన ప్రయోగం కూడా అద్భుతంగా ఉంది.అభినందనలు.

వ్యాఖ్యను పోస్ట్ చెయ్యండి

ఆంధ్రామృత బ్లాగ్ వీక్షకులకు ధన్యవాదములు.