తమసో లక్షణం కామో.... మేలిమి బంగారం మన సంస్కృతి.

 జైశ్రీరామ్.

శ్లో.  తమసో లక్షణం కామో,  -  రజస స్త్వార్థ ఉద్యతే,

సత్త్వస్య లక్షణం ధర్మః,  -  శ్రైష్ఠ్య మేషామ్ యథోత్తరమ్.

గీ.  తమమునకు కామమే లక్షణముగ నుండు,

కన రజోలక్షణంబర్థమనఁగనొప్పు,

సత్వలక్షణమది ధర్మ సాధనంబె,

మూటిలో గొప్పదైనది మూడవదియె.

భావము: తమో గుణ లక్షణం కామము, రజో గుణ లక్షణం అర్థము, సత్త్వ గుణ 

లక్షణం ధర్మమునందు అభిలాష. వీటిలో మొదటి దానికంటే రెండోది, 

రెండో దానికంటే మూడోది శ్రేష్ఠమైనది.

జైహింద్.

Print this post