మాతృ వైభవం.
పండిత నేమాని
మాతృ దినోత్సవం సందర్భంగా
భరత మాత వైభవాన్ని వర్ణిస్తూ చెప్పిన దండకం.
జయ జయ జనయిత్రి! శ్రీ భారత క్ష్మాధినేత్రీ! సదా సస్య సంపన్న సౌవర్ణధాత్రీ! జనానీక సంక్షేమ సంభావితార్థ ప్రదాత్రీ! సుగాత్రీ! మహోత్తుంగ శృంగాఢ్య శీతాద్రి వింధ్యాద్రి ముఖ్యాద్రి వర్యాంఘ్రి సామీప్య రమ్యాటవీ మధ్య సంజాత భాగీరథీ సింధు గోదావరీ ముఖ్య భవ్యాపగా తీర శోభాయమాన ప్రశాంతామలారామ రాజత్తపోభూ ప్రభావ ప్రభా భాసితాంగీ! శుభాంగీ!
సదా ధర్మ సంరక్షణోద్యోగ తాత్పర్య గంభీర భావాంకితాత్మ ప్రజానీక సంక్షేమ ధౌరేయ శ్రీరామ భూమీశ కౌంతేయ ముఖ్య క్షమానాథ శౌర్య ప్రతాపాది సల్లక్షణోద్భాసితానంత కీర్తీ! మహోదాత్త చారిత్ర సంతాన బాహుళ్య సంశోభితానందమూర్తీ!
నమో మాతృ భూమే -
నమస్తే - నమస్తే - నమస్తే - నమ:.
జైశ్రీరాం.
జైహింద్.
వ్రాసినది
Labels:
1 comments:
మన భరత మాత మహోన్నత మైన సంతతిని గన్న రత్న గర్భ. అట్టి ప్రాముఖ్యతను పేరు పేరునా కన్నులకు గట్టి నట్టుగా అందమైన వర్ణనలతో మన ముందుంచిన పండితుల వారి దండకం కడు శ్లాఘనీయం . వారి కలంలో మన పుణ్య భూమి ధన్యు రాలు. సరస్వతీ పుత్రులకు పాదాభి వందనం.
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.